05.11.2026 | 00:08
Ինչ է որոշել ընդդիմությունը. Նարեկ Կարապետյանը հանդիպումից հետո մանրամասներ հայտնեց. ՏԵՍԱՆՅՈՒԹ
Թրամփը հայտարարել է, որ Իրանի հարցում իրեն «մեծ որոշում» է սպասվում
Քաղաքականություն
18.09.2026 | 11:50
ԱՄՆ նախագահ Դոնալդ Թրամփը հայտարարել է, որ Իրանի հարցում իրեն առջևում կարևոր որոշում է սպասվում, քանի որ այդ երկրում ԱՄՆ-ի պատերազմը դադարեցման որևէ նշան չի ցույց տալիս, գրում է The Hill-ը։
«Ինձ առջևում մեծ որոշում է սպասվում։ Արդյո՞ք ցանկանում եմ մտնել այնտեղ և ոչնչացնել նրանց [Իրանի վարչակարգին], թե՞ ոչ։ Դա մեծ որոշում է։ Ինձ հետ ամեն ինչ կարող է պատահել»,- ասել է Թրամփը Axios-ին։
Այս հայտարարությունները հնչել են այն բանից հետո, երբ տեղեկություններ են տարածվել, որ Թրամփը հաջորդ շաբաթ՝ ՄԱԿ-ի Գլխավոր վեհաժողովի շրջանակում, նախատեսում է հանդիպել Պարսից ծոցի վեց երկրների առաջնորդների հետ։
Միաժամանակ, հակամարտության հետևանքով ԱՄՆ-ում էներգակիրների գները կտրուկ աճել են։ Չորեքշաբթի Հյուսիսային Կարոլինայում իր կողմնակիցների հետ հանդիպման ժամանակ Թրամփը հայտարարել էր, որ բենզինի բարձր գները պատերազմի համար վճարվող «շատ էժան գին» են։
«Հիշեք սա։ Գինը մի փոքր ավելի բարձր է։ Անկեղծ ասած՝ նույնիսկ եթե այն շատ ավելի բարձր լիներ։ Բայց գինը կտրուկ նվազելու է։ Դա լինելու է հրթիռների նման, միայն թե՝ հակառակ ուղղությամբ»,- ասել է Թրամփը Հյուսիսային Կարոլինայի Գասթոնիա քաղաքում հանրապետականների թեկնածու Մայքլ Ուոթլիի նախընտրական հանրահավաքում։
Թարգմանությունը՝ Էմմա Չոբանյանի
