17.09.2026 | 19:46
Ռուսական ԱԹՍ-ն կրկին հարվածել է Ուկրաինայի արևմուտքին՝ Լեհաստանի սահմանի մոտ
Թուրք ընդդիմադիր պատգամավորը Հայաստան-Թուրքիա սահման է այցելել և կոչ է արել բացել այն
Քաղաքականություն
17.09.2026 | 18:59
Թուրքիայի ընդդիմադիր Ժողովրդահանրապետական կուսակցության (CHP) Կարսից պատգամավոր Ինան Աքգյուն Ալփն այցելել է Թուրքիա-Հայաստան սահմանին գտնվող Կարսի Աքյաքա շրջանի Շահնալար գյուղ։ Հին կամրջի վայրում նա հայտարարել է, որ իր նախնիները պայթեցրել են այն 1920 թվականին՝ Կարսի գրավման ժամանակ, և կոչ է արել վերաբացել Հայաստանի հետ սահմանը, գրում է Agos-ը։
«106 տարի անց, որպես Կարսից խորհրդարանի անդամ, ես պահանջում եմ բացել Հայաստանի հետ սահմանն այս կամրջով։ 106 տարի առաջ մենք այստեղ նահատակներ կորցրեցինք։ Այսօր, այդ ցավերի փոխարեն, մենք առաջնահերթություն ենք տալիս մեր ժողովրդի խաղաղությանը և բարեկեցությանը»,- հայտարարել է նա։
Անդրադառնալով Ադրբեջան-Հայաստան հարաբերություններին՝ թուրք պատգամավորն ասել է. «Մենք ցանկանում ենք, որ Ադրբեջանի հետ կապված խնդիրները վերածվեն երկարատև խաղաղության, վերաբացվի Հայաստանի հետ սահմանը և սկսվի առևտուրն այս երթուղով»։
Թարգմանությունը՝ Էմմա Չոբանյանի
