17.09.2026 | 13:27
Հաջիևը հայտարարել է, թե ՀՀ-ում և սփյուռքում «ռևանշիստական ուժերը» փորձում են խաթարել խաղաղությունը
Կարո՞ղ եք բացատրել՝ համայնքային անձրևաջրերի հարցով ինչո՞ւ են զեկուցում 102-րդ բազային․ Բաղդասարյան․ՏԵՍԱՆՅՈՒԹ
Քաղաքականություն
17.09.2026 | 12:53
Ազգային ժողովում Տարածքային կառավարման և շրջակա միջավայրի պահպանության հարցերի մշտական հանձնաժողովի նախագահի ընտրության քննարկման ժամանակ ՔՊ խմբակցության պատգամավոր Նազելի Բաղդասարյանն անդրադարձավ թեկնածու Ռուբեն Մխիթարյանի դիտարկումներին, Գյումրու կառավարման խնդիրներին, ինչպես նաև մարզերում կառավարության իրականացրած կապիտալ ներդրումներին։
Բաղդասարյանը հակադարձեց ընդդիմադիրների այն պնդումներին, թե մարզերում զարգացման ծրագրեր չեն կատարվում։ Նա պնդեց, որ 2018 թվականից ի վեր միայն Շիրակի մարզում կառավարությունը ներդրել է 142 միլիարդ դրամ, իսկ Գյումրու դոտացիան աճել է շուրջ 125 տոկոսով։
Բացի այդ, պատգամավորը նշեց, որ սուբվենցիոն ծրագրերով համաֆինանսավորվում են տասնյակ մշակութային և սպորտային հաստատություններ, այդ թվում՝ Արթուր Ալեքսանյանի անվան նոր մարզահամալիրի կառուցումը, որի համար հատկացվել է ավելի քան 6 միլիարդ դրամ։
Անդրադառնալով Գյումրիում տնակների և բնակարանաշինության խնդրին՝ Բաղդասարյանն ընդդիմությանը կոչ արեց ստեղծել ԱԺ քննիչ հանձնաժողով՝ ուսումնասիրելու երկրաշարժից ի վեր բնակարանների հատկացման ողջ գործընթացը։
«Ես որևէ կերպ Գյումրին չեմ տեսնում «Александропольский уезд», երբ Հաղթանակի օրվա միջոցառմանը ներկա է քաղաքապետի տեղապահը, առաջինը հնչում է Ռուսաստանի Դաշնության հիմնը։ Իսկ երբ Գյումրիում անձրևաջրերի հետևանքով արտակարգ իրավիճակ է լինում, քաղաքապետարանի պաշտոնական էջում տեղեկանում ենք, որ համայնքի ղեկավարությունը թեմայի վերաբերյալ զեկուցել է ռուսական 102-րդ ռազմաբազայի ղեկավարությանը։ Կարո՞ղ եք բացատրել՝ համայնքային անձրևաջրերի հարցով ինչո՞ւ են զեկուցում 102-րդ բազային»,- դիմելով ընդդիմությանը՝ ասաց Բաղդասարյանը։
Մանրամասները՝ տեսանյութում։
Անի Թամրազյան
