29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
«Լուսավոր Հայաստանը», ըստ լուրերի, տարբեր օլիգարխների հետ գաղտնի և բացահայտ կապերի մեջ է․ Վարուժան Ավետիսյան․ ՏԵՍԱՆՅՈՒԹ
Քաղաքականություն
07.12.2018 | 17:44
«Սասնա Ծռեր» կուսակցության պատգամավորի թեկնածու Վարուժան Ավետիսյանը պնդում է՝ արտահերթ խորհրդարանական ընտրությունների քարոզարշավի ընթացքում տեսել են նախկինից ժառանգած տատանվող ուժերի, որոնցից մեկը ավելի է երևակվում և, ըստ մամուլում հրապարակվող ու հանրությանը հայտնի դարձող լուրերի, խոսվում է այդ ուժի՝ օլիգարխների հետ ունեցած գաղտնի և բացահայտ կապերի մասին։
«Խոսքը «Լուսավոր Հայաստան» կուսակցության մասին է: Եվ դեռ այդքանից հետո փորձում են այլ ուժի նկատմամբ սևացնող քարոզ իրականացնել, այն էլ այն ուժի, որն ի սկզբանե է եղել հեղափոխության ակունքներում։ Բացի այդ, մենք տեսանք, թե ինչպես այդ ուժը փողոցում թողեց Նիկոլ Փաշինյանին և դավաճանելով իր կոալիցիոն գործընկերոջը ու հայտնվելով խորհրդարանում, փորձեց խրատ կարդալ և խոսել 3-րդ ճանապաարհի մասին»,- այսօր կուսակցության ամփոփիչ ասուլիսի ժամանակ ասաց կուսակցության պատգամավորի թեկնածու Վարուժան Ավետիսյանը։
Վերջինս նշեց, որ այն ինչ ասում է «Լուսավոր Հայաստանի» մասին, ասում է ըստ մամուլի հրապարակումների և հիմնավոր կասկածներ առաջացնող լուրերի, որոնց հերքումը հանրությունը չի ստացել։
«Այդ ուժը, դատախազական կեցվածք ընդունելով, շարունակում է մեր ուժի նկատմամբ խախտել իրավական չափանիշները»,- ասաց Վ․ Ավետիսյանը։
Մանրամասները՝ տեսանյութում։
