16.09.2026 | 12:26
ԹՐԻՓՓ-ի համաձայնագիրը չի հակասում Մայր օրենքին․ ՍԴ-ն որոշում է կայացրել
Նիկոլ Փաշինյանը Հեսսենի խաղաղության մրցանակ կստանա
Քաղաքականություն
16.09.2026 | 11:04
ՀՀ վարչապետ Նիկոլ Փաշինյանն այս տարվա Հեսսենի խաղաղության մրցանակը կստանա։ Հեսսենի երկրամասի խորհրդարանի կայքի հաղորդագրության համաձայն՝ երկրամասային խորհրդարանի նախագահ Աստրիդ Վալմանը Հեսսենի խաղաղության մրցանակը Նիկոլ Փաշինյանին սեպտեմբերի 18-ին՝ հանդիսավոր արարողության ընթացքում։
Նշվում է, որ մրցանակակիրը երկիրը խաղաղության հաստատմանն ուղղված ճանապարհով մոտեցնում է Եվրոպային։ Միաժամանակ, ԱՄՆ-ի աջակցությամբ, նրան հաջողվել է 2025 թվականի օգոստոսին հարևան պետության՝ Ադրբեջանի նախագահի հետ համատեղ ընդունել խաղաղության հռչակագիր։
Հաղորդվում է, որ մրցանակի հանձնման արարողությունից հետո Նիկոլ Փաշինյանը, ՀՀ արտաքին գործերի նախարար Արարատ Միրզոյանի ուղեկցությամբ, Հեսսենում կմասնակցի այլ միջոցառումների։ Մասնավորապես, Ֆրանկֆուրտի Առևտրաարդյունաբերական պալատում նա կհանդիպի գործարար ոլորտի ներկայացուցիչների հետ, կայցելի նաև Դարմշտադտում գտնվող Ֆրաունհոֆերի՝ Կառուցվածքների ամրության և համակարգերի հուսալիության LBF ինստիտուտ, որտեղ կծանոթանա ջրածնի հետ կապված հետազոտություններին։
Հեսսենի խաղաղության մրցանակը նաև դրամական պարգև է նախատեսում՝ 25,000 եվրո, որը շնորհվում է Ալբերտ Օսվալդի հիմնադրամի կողմից 1994 թվականից ի վեր: Մրցանակը հիմնադրել են Հեսսենի նախկին վարչապետ Ալբերտ Օսվալդը և նրա ընտանիքը։
Թարգմանությունը՝ Էմմա Չոբանյանի
