17.12.2025 | 16:42
Մարտունու մի գազալցակայանում հայտնաբերվել են թույլատրելի նորմը 8 և 10 անգամ գերազանցող շեղումներ
ՀԱՊԿ գլխավոր քարտուղարի հարցը լուծված չէ. Կրեմլի ներկայացուցիչ
Քաղաքականություն
07.12.2018 | 14:25
ՀԱՊԿ գլխավոր քարտուղարի նշանակման հարցը լուծված չէ: Լրագրողների հետ զրույցում այս մասին տեղեկացրել է ՌԴ նախագահի խոսնակ Դմիտրի Պեսկովը, գրում է ՌԻԱ Նովոստին:
Բելառուսի նախագահ Ալեքսանդր Լուկաշենկոն, հիշեցնենք, Սանկ Պետերբուրգում ԵՏՄ բարձրագույն խորհրդի նիստից հետո լրագրողներին ասել էր, որ հաջողվել է համաձայնության գալ ՀԱՊԿ գլխավոր քարտուղարի նշանակման մեխանիզմի հարցում, և այդ պաշտոնը կարող է զբաղեցնել Բելառուսի ներկայացուցիչը:
«Ո՛չ, հարցը լուծված չէ: Օրակարգից դուրս ԵՏՄ առաջնորդների զրույցի ընթացքում, իսկապես, այդ հարցին անդրադարձ եղել է Ալեքսանդր Լուկաշենկոյի նախաձեռնությամբ: Դա միանգամայն նորմալ պրակտիկա է, ցանկացած պետության ղեկավար ազատ է անդրադառնալ այն հարցերին, որոնց անհրաժեշտ է համարում անդրադառնալ»,- ասել է Պեսկովը՝ պատասխանելով ՀԱՊԿ գլխավոր քարտուղարի նշանակման խնդրի լուծման մասին հարցին:
Կրեմլի ներկայացուցիչը հավելել է, որ բանակցություններին սեղանին ոչ բոլորն են ներկա եղել. «Աշխատանքը շարունակվելու է»:
