14.09.2026 | 20:30
Ադրբեջանը սարքել է եվրոպացի դիվանագետների գլխին՝ մասնակից դարձնելով իր կազմակերպած շոուին․ Էդգար Առաքելյան. ՏԵՍԱՆՅՈՒԹ
«Արթիկ» ՔԿՀ-ի ծառայող է ձերբակալվել
14.09.2026 | 19:08
«Արթիկ» քրեակատարողական հիմնարկի անվտանգության ապահովման բաժնի ծառայողը ձերբակալվել է․ նրա մոտ հայտնաբերվել է թմրամիջոցի նմանվող՝ 0,46 գրամ քաշով սպիտակ, փոշենման զանգված։ Այս մասին հայտնում է Քրեակատարողական ծառայությունը։
Քրեակատարողական ծառայության փոխանցմամբ՝ «Արթիկ» քրեակատարողական հիմնարկի անվտանգության ապահովման բաժնի ծառայողի մոտ թմրամիջոցի նմանվող զանգված է հայտնաբերվել։
ՔԿԾ կենտրոնական մարմնի օպերատիվ վարչության «Արթիկ» տարածքային բաժնում տեղեկություններ էին ստացվել, որ ծառայողը զբաղվում է քրեակատարողական հիմնարկի բնակելի գոտում թմրամիջոցների իրացմամբ։ Ըստ ստացված տեղեկությունների՝ նա սեպտեմբերի 13-ին նյութական շահագրգռվածության դիմաց նախատեսել էր թմրամիջոց փոխանցել ազատազրկված անձանց։
ՔԿԾ-ի փոխանցմամբ՝ օպերատիվ տեղեկությունների հիման վրա նույն օրը «Արթիկ» տարածքային բաժնի ծառայողները՝ քրեակատարողական հիմնարկի անվտանգության ապահովման բաժնի ծառայողների հետ համատեղ, խուզարկել են ծառայողին։
Խուզարկության արդյունքում նրա մոտ հայտնաբերվել է թմրամիջոցի նմանվող՝ 0,46 գրամ քաշով սպիտակ, փոշենման զանգված։
Ծառայողը ձերբակալվել է ՔԿԾ կենտրոնական մարմնի օպերատիվ վարչության «Արթիկ» տարածքային բաժնի աշխատակիցների կողմից և հայտնաբերված զանգվածի հետ միասին ներկայացվել Քննչական կոմիտեի Շիրակի մարզային վարչության Արթիկի և Անիի քննչական բաժին։
