14.09.2026 | 16:07
ՌԴ սահմանապահները եթե հանվեն, կչեղարկվի ՀՀ-ի և Թուրքիայի միջև սահմանը. Էդգար Ղազարյան․ ՏԵՍԱՆՅՈՒԹ
Անկարան հայտնել է, որ Թուրքիայից Հայաստան արտահանումը հունվար-օգոստոսին կազմել է 1 մլն 336 հազար դոլար
Քաղաքականություն
14.09.2026 | 14:48
Թուրքիայի արտահանողների խորհրդի (TİM) տվյալների համաձայն՝ այս տարվա հունվար-օգոստոս ամիսներին Թուրքիայի արտահանումը, նախորդ տարվա նույն ժամանակահատվածի համեմատ, աճել է 4 տոկոսով՝ 177,9 միլիարդ դոլարից հասնելով 185 միլիարդ դոլարի, գրում է Անադոլու գործակալությունը։
Նշվում է, որ նույն ժամանակահատվածում աճել է նաև դեպի ութ հարևան երկրներ՝ Հայաստան, Ադրբեջան, Բուլղարիա, Վրաստան, Իրան, Իրաք, Սիրիա և Հունաստան արտահանման ընդհանուր ծավալը։ Թուրքիայի արտահանումը դեպի այս երկրներ աճել է 2,6 տոկոսով՝ 17,762,593,000 դոլարից հասնելով 18,226,225,000 դոլարի։
Հաղորդվում է, որ նույն ժամանակահատվածում դեպի Հայաստան արտահանումը կազմել է 1 մլն 336 հազար դոլար։
Հունվար-օգոստոս ամիսներին հարևան երկրներից արտահանման ամենամեծ ծավալը գրանցվել է դեպի Իրաք՝ կազմելով 5,758,899,000 դոլար։ Իրաք արտահանումը, նախորդ տարվա նույն ժամանակահատվածի համեմատ, նվազել է 10,5 տոկոսով։ Դրան հաջորդում են Բուլղարիան՝ 3,439,040,000 դոլար, Հունաստանը՝ 2,293,038,000 դոլար, Վրաստանը՝ 1,949,857,000 դոլար, Սիրիան՝ 1,675,429,000 դոլար, Իրանը՝ 1,566,709,000 դոլար, և Ադրբեջանը՝ 1,541,916,000 դոլար:
Իրաքը, Բուլղարիան, Հունաստանը և Վրաստանը առանձնանում են որպես Թուրքիայի ամենամեծ արտահանման շուկաներ հարևանների շրջանում: Այս չորս երկրներ ընդհանուր արտահանումը հունվար-օգոստոս ժամանակահատվածում հասել է 13,440 մլրդ դոլարի։
Այս ժամանակահատվածում արտահանումն աճել է հարևան ութ երկրներից հինգի դեպքում, նվազել՝ երեքի դեպքում: Արտահանումն աճել է դեպի Հայաստան, Վրաստան, Սիրիա, Բուլղարիա և Իրան, մինչդեռ նվազել է դեպի Իրաք, Հունաստան և Ադրբեջան։
Թարգմանությունը՝ Էմմա Չոբանյանի
