07.09.2026 | 19:00
Աճող գյուղատնտեսություն՝ նվազող բերք․ ինչի մասին են վերջին 10 տարվա թվերը
Պեսկովը հայտնել է, որ Պուտինի և Փաշինյանի հանդիպման արդյունքներով ՌԴ-ն ու Հայաստանը կուսումնասիրեն առևտրային հարցերը
Քաղաքականություն
07.09.2026 | 17:13
ՌԴ նախագահի մամուլի քարտուղար Դմիտրի Պեսկովը Ռուսաստանի նախագահ Վլադիմիր Պուտինի և Հայաստանի վարչապետ Նիկոլ Փաշինյանի հանդիպումը Բիշքեկում կարևոր և բովանդակալից է անվանել՝ նշելով, որ դրա ընթացքում քննարկվել են երկկողմ տնտեսական համագործակցության կոնկրետ հարցեր, գրում է ՌԻԱ Նովոստին։
«Սա շատ կարևոր հանդիպում էր (Պուտինի և Փաշինյանի միջև Բիշքեկում): Այն շատ բովանդակալից էր, և նշվել են երկկողմ առևտրատնտեսական համագործակցության հետ կապված մի քանի կոնկրետ կետեր, համապատասխան գերատեսչությունները կզբաղվեն այդ հարցերով, դրանք կմշակեն», – լրագրողներին ասել է Պեսկովը։
Հավելենք, որ սեպտեմբերի 1-ին ՀՀ վարչապետ Նիկոլ Փաշինյանն ու ՌԴ նախագահ Վլադիմիր Պուտինը բանակցություններ էին վարել Բիշքեկում Շանհայի համագործակցության կազմակերպության գագաթնաժողովի շրջանակներում։ Պուտինը հայտնել էր, որ Փաշինյանին հրավիրել է Մոսկվա՝ երկկողմ համագործակցության հարցերը, այդ թվում՝ երկաթուղու թեման մանրամասն քննարկելու համար։
Թարգմանությունը՝ Էմմա Չոբանյանի
