01.09.2026 | 16:30
Արտահանման աճ՝ դեպի ԵՄ և Չինաստան. իրավիճակային գործո՞ն, թե՞ կայուն դինամիկա
Պուտինն ու Ալիևը շփվել են ՇՀԿ գագաթնաժողովի շրջանակում․ ՏԵՍԱՆՅՈՒԹ
Քաղաքականություն
01.09.2026 | 15:19
Ռուսաստանի նախագահ Վլադիմիր Պուտինն ու Ադրբեջանի նախագահ Իլհամ Ալիևը Բիշքեկում Շանհայի համագործակցության կազմակերպության (ՇՀԿ) գագաթնաժողովի շրջանակում, ոտքի վրա զրույց են ունեցել ։ Այս մասին Ռիա Նովոստիին հայտնել է ՌԴ նախագահի մամուլի քարտուղար Դմիտրի Պեսկովը։
«Այո՛։ Ոտքի վրա»,- պատասխանել է Պեսկովը՝ լրագրողի հարցին, թե արդյոք Պուտինն ու Ալիևը շփվել են Ղրղզստանում անցկացվող միջոցառումների շրջանակում։
Պուտինը նախօրեին ժամանել էր Ղրղզստան՝ ՇՀԿ գագաթնաժողովին մասնակցելու համար։ Ադրբեջանի նախագահ Իլհամ Ալիևը մասնակցում է «ՇՀԿ+» ձևաչափով միջոցառումներին։
Հիշեցնենք, որ նախօրեին Բիշքեկում տեղի էր ունեցել Քոչվորների համաշխարհային VI խաղերի բացման արարողությունը, որի ընթացքում Ադրեջանի ղեկավարն ու նրա կինը՝ Մեհրիբան Ալիևան զրուցել էին Ռուսաստանի նախագահ Վլադիմիր Պուտինի հետ։ Ադրբեջանական լրատվամիջոցները նաև տեսանյութ են հրապարակել, թե ինչպես է Պուտինը ողջագուրվում Ալիևների հետ։
Թարգմանությունը՝ Էմմա Չոբանյանի
