31.08.2026 | 16:24
Ալեն Սիմոնյանը Բիշքեկում մասնակցել է Իլհամ Ալիևի հետ հանդիպմանը
ԱՄՆ Գրանդ Կանիոնում հեղեղի հետևանքով զոհ կա․ անհետ կորածներին որոնում են․ ՏԵՍԱՆՅՈՒԹ
Քաղաքականություն
31.08.2026 | 14:50
Օգոստոսի 29-ին ԱՄՆ Արիզոնա նահանգում գտնվող Գրանդ Կանիոն ազգային պարկում տեղի ունեցած հեղեղից հետո 15 մարդ շարունակում է համարվել անհետ կորած, հաղորդում է AFP գործակալությունը, որին վկայակոչում է DW-ն։
Ավելի վաղ Ազգային պարկերի ծառայության (NPS) կայքում անհետ կորածների ցուցակում նշված էր 20 մարդ։
Հաղորդվում է, որ Կոլորադո գետի վրա՝ Քրիսթալ Ռափիդսի շրջանում, հայտնաբերվել է հեղեղի հետևանքով զոհված 46-ամյա տղամարդու մարմին։ 62 զբոսաշրջիկ տարհանվել է ազգային պարկից։
Այս ազգային պարկ տարեկան այցելում է մի քանի միլիոն զբոսաշրջիկ։ Օգոստոսի 29-ին տեղական ժամանակով 14։30-ի սահմաններում հեղեղը ծածկել է Բրայթ Էնջել շրջանը, ինչպես նաև զբոսաշրջային Phantom Ranch բազայի հարակից տարածքը։
Նշվում է, որ տարերային աղետը գրեթե ամբողջությամբ ավերել է Բրայթ Էնջել գետակի վրայով անցնող հետիոտնային կամուրջները, ինչի հետևանքով մարդիկ չեն կարողանում անցնել մյուս ափը։ Բացի այդ, հեղեղը շարքից դուրս է բերել պարկի զբոսաշրջիկներին ջուր մատակարարող ջրատարը։
Միաժամանակ, NPS ծառայությունը նախազգուշացրել է, որ օգոստոսի 31-ին տարածաշրջանում կարող են շարունակվել հորդառատ անձրևներն ու ամպրոպները, որոնք կարող են առաջացնել «նոր հորդառատ հեղեղումներ» կամ զբոսաշրջային արահետներում քարաթափումներ։
Թարգմանությունը՝ Էմմա Չոբանյանի
