Քաղաքականություն
06.12.2018 | 12:43ԱԺ ընտրություններին ընդառաջ որոշ գործոններ «Իմ քայլը» դաշինքին կապահովեն հավելյալ ձայներով։ Factor.am-ի հարցին ի պատասխան՝ ՄԵՆՔ դաշինքի առաջնորդ Արամ Սարգսյանը թվարկում է դրանք՝ ՀՀԿ պատգամավոր Արամ Հարությունյանին կարող էին անձեռնմխելիությունից զրկել դեռ 2 ամիս առաջ, սակայն այդ հարցն այսօր է մեջտեղ բերվում, դեկտեմբերի 7-ին որոշված է Ռոբերտ Քոչարյանին կալանավորել, և ընտրությունից 4 օր առաջ հրապարակվում է ԱԱԾ տնօրենի ու Նիկոլ Փաշինյանի գաղտնալսված խոսակցությունը:
«Այս ամեն ինչը անդրադառնում է քվեների վրա։ Գաղտնալսումը ցույց է տալիս, որ հակահեղափոխությունը կա, հակահեղափոխությունը պայքարում է, հետևաբար՝ հեղափոխությանն աջակցել է պետք»,- ասում է Արամ Սարգսյանը։
Նրա կարծիքով՝ Հանրապետականը վատ իշխանություն է եղել և ժողովուրդը մերժել է նրան։ Անհասականալի է «Իմ քայլը» դաշինքի «ուշադրությունը» ՀՀԿ-ի նկատմամբ․ «Դուք ու Ձեր թիմը ինչո՞ւ են անընդհատ բանավիճում Հանրապետականի հետ, ի՞նչ է, ուզում եք ՀՀԿ-ին որպես ընդդիմությո՞ւն կայացնել, որ ՀՀԿ-ն ընդդիմությո՞ւն դառնա»։
