11.10.2026 | 10:11
Շանհայ. Կարեն Խաչանովը դուրս եկավ 1/8 եզրափակիչ
Ռուսաստանը հարձակվել է Ուկրաինայի և Մոլդովայի սահմանին ևս մեկ անցակետի վրա
Քաղաքականություն
25.08.2026 | 11:48
Ուկրաինա-մոլդովական Վինոգրադովկա-Վուլկանեշտի սահմանային անցակետը ժամանակավորապես դադարեցրել է գործունեությունը ռուսական հարձակման պատճառով։ Այս մասին հայտնել է Ուկրաինայի պետական մաքսային ծառայությունը, գրում է Европейская правда-ն:
Ուկրաինա-մոլդովական սահմանին գտնվող Վինոգրադովկա-Վուլկանեշտի միջազգային սահմանային անցակետի ենթակառուցվածքները վնասվել են ԱԹՍ-ների հարվածներից։ Անցակետով երթևեկությունը ներկայում դադարեցված է, մաքսային գործընթացներ չեն իրականացվում։
Մաքսային ծառայությունը կոչ է արել քաղաքացիներին և փոխադրողներին հաշվի առնել այս տեղեկությունը իրենց երթուղիները պլանավորելիս և ընտրել ուկրաինա-մոլդովական սահմանային այլ անցակետեր։
Այս անցակետը գտնվում է Օդեսայի շրջանի Տաբակի անցակետի մոտ, որի վրա Ռուսաստանը հարձակվել էր անցյալ շաբաթ։ Հարձակման հետևանքով Տաբակի անցակետը նույնպես դադարեցրել էր գործունեությունը։
ՌԴ-ն չի մեկնաբանել այս հարձակումները։
Թարգմանությունը՝ Էմմա Չոբանյանի
