11.10.2026 | 11:22
Երևանի 4 վարչական շրջաններում և Արարատի մարզի գյուղերում մինչև 36 ժամ ջուր չի լինի
ԿԲ-ն նոր կարգավորում է սահմանել․ բանկերից տեղեկանք ստանալը կդառնա անվճար
Քաղաքականություն
24.08.2026 | 20:16
Սպառողների կողմից ստացված ազդակների հիման վրա Կենտրոնական բանկի խորհուրդը լրացում է կատարել «Ֆինանսական կազմակերպությունների գործարար վարվելակերպի կանոնները» կանոնակարգ 8/05-ում։
Նոր կարգավորմամբ՝ ցանկացած ֆիզիկական անձ իրավունք կունենա առևտրային բանկերից ստանալու տեղեկանք իր բանկային հաշիվների, հաշիվների մնացորդների, ինչպես նաև բանկի հետ փոխադարձ պարտավորությունների առկայության կամ բացակայության վերաբերյալ։
Տեղեկանքը էլեկտրոնային եղանակով կտրամադրվի անվճար, իսկ թղթային տարբերակը յուրաքանչյուր օրացուցային տարվա ընթացքում առնվազն մեկ անգամ նույնպես կլինի անվճար։
Կենտրոնական բանկի փոխանցմամբ՝ կարգավորման նպատակն է ամրապնդել ֆիզիկական անձանց՝ բանկային համակարգում իրենց կարգավիճակի վերաբերյալ տեղեկատվություն ստանալու իրավունքը, ապահովել անհրաժեշտ տեղեկանքի հասանելիությունը և բարձրացնել ֆինանսական ծառայությունների մատչելիությունն ու թափանցիկությունը։
