11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Դեպք ենք ունեցել՝ դատավորը էնքան ա գործը ձգել, որ թոշակի գնա․Փաշինյանը՝ դատաիրավական համակարգի մասին․ ՏԵՍԱՆՅՈՒԹ
Քաղաքականություն
24.08.2026 | 14:04
Հայաստանի դատական համակարգը շարունակում է սպասարկել նախկին էլիտաների շահերը, և գործող սահմանադրական կարգավորումների պայմաններում իշխանությունը չունի օրինական գործիքներ՝ համակարգն արմատապես մաքրելու համար։ Այս մասին Ազգային ժողովում ՔՊ-ական պատգամավոր Արայիկ Հարությունյանի հարցին ի պատասխան հայտարարեց վարչապետ Նիկոլ Փաշինյանը։
Նա նշեց, որ 2018 թվականի հեղափոխությունից հետո, երբ գործադիրը հրաժարվեց դատարանների վրա ազդեցություն բանեցնելուց, այդ բացը լրացրին «մաֆիոզ շրջանակները»։
«2026 թվականի խորհրդարանական ընտրությունների նախընտրական քարոզարշավում իմ ամենամեծ բարդությունը եղել է պատասխանել մարդկանց հարցերին՝ ինչի՞ այս մեկը կամ էն մեկը ազատության մեջ է, ինչի՞ դատված չէ։ Էսօր խոսում են քաղաքական հետապնդումների մասին, բայց ես խոսում եմ քաղաքական չհետապնդումների մասին։ Ես չեմ կարող հավատալ, որ մարդիկ պատասխանատվությունից խուսափել են արդար դատական համակարգի պատճառով․ նրանք խուսափել են, որովհետև նախկին կոռուպցիոն կապերը շարունակում են գործել»։
Փաշինյանն ընդգծեց, որ որոշակի դիրք ունեցող անձինք դատարաններում իրենց անպատժելի են զգում։
«Հանցագործության պահին բռնե՛ս, կգնա կարդարացվի, կամ առնվազն էնքան կձգեն էդ գործը… Մենք դեպք ենք ունեցել՝ դատավորը հատուկ գործը ձգել ա էնքան, մինչև ինքը թոշակի գնա։ Ամբողջ Հայաստանի դատական համակարգը պրոբլեմի առաջ ա կանգնած, չգիտի էդ խնդիրը ոնց լուծի»,- ասաց Փաշինյանը։
Վարչապետի խոսքով՝ խնդրի հիմնարար լուծումը նոր Սահմանադրության ընդունումն է, որով նախատեսվում է բոլոր դատավորներին տալ ժամանակավոր պաշտոնակատարի կարգավիճակ՝ համակարգի լիարժեք լեգիտիմությունն ու ժողովրդի հետ օրգանական կապն ապահովելու համար։
Մանրամասները՝ տեսանյութում։
Անի Թամրազյան
