11.10.2026 | 12:45
ԱԹՍ-ների պատճառով Վլադիմիրում Yandex-ի տվյալների կենտրոնը դադարեցրել է աշխատանքը․ խնդիրներ՝ նաև Հայաստանում
Ղազախստանում մեկնարկել են խորհրդարանական ընտրությունները
Քաղաքականություն
23.08.2026 | 15:17
Օգոստոսի 23-ին Ղազախստանում սկսվել է միապալատ խորհրդարանի՝ քուրուլթայի ընտրության քվեարկությունը։ «Արմենպրես»-ի հաղորդմամբ` սրանք առաջին խորհրդարանական ընտրություններն են՝ հուլիսի 1-ին նոր սահմանադրության ուժի մեջ մտնելուց ի վեր։
Ղազախստանի նոր սահմանադրությունը, ի թիվս այլ բաների, նախատեսում է երկպալատ խորհրդարանից (Սենատ և Մաջիլիս) անցում միապալատ խորհրդարանի։
Ղազախստանում քվեարկելու իրավունք ունի ընդհանուր առմամբ 12,6 միլիոն մարդ։ Երկրում և արտերկրում քվեարկելու համար բացվել է 10,400 ընտրատեղամաս։
Ընտրվելու է խորհրդարանի 145 անդամ։ Ընտրություններն անցկացվում են միայն կուսակցական ցուցակներով (նախկինում անդամներն ընտրվում էին նաև միամանդատ ընտրատարածքներից)։ Քվեաթերթիկում ներառված է յոթ կուսակցություն՝ «բոլորին դեմ» տարբերակով։ Խորհրդարանի անդամներն ընտրվում են հինգ տարի ժամկետով։
Ընտրությունները համարվում են կայացած, եթե մասնակցությունը գերազանցում է 50%-ը։ Ղազախստանի Կենտրոնական ընտրական հանձնաժողովը հայտարարել է, որ ընտրողների մասնակցությունը կազմել է 17.96% քվեարկության սկսվելուց երեք ժամ անց։
Ղազախստանի նոր սահմանադրությունը, որը մշակվել է ընդամենը 22 օրում, հաստատվել է մարտ ամսին անցկացված հանրաքվեով։ Ի թիվս այլ բաների, երկրի նոր սահմանադրությունը զգալիորեն ընդլայնում է նախագահի լիազորությունները։
