21.08.2026 | 22:27
Ոստիկանները Մարտիրոս գյուղի բնակչի տանը թմրամիջոցի 11 փաթեթ և կանեփի 46 բույս են հայտնաբերել
Դատարանը կասեցրել է Հայաստանի առաջնությունում լեգեոնականների սահմանափակման նոր օրենքը
21.08.2026 | 20:07
Երևանի քաղաքացիական դատարանը, որպես հայցի ապահովման միջոց, կասեցրել է Հայաստանի ֆուտբոլի ֆեդերացիայի կանոնակարգի այն դրույթների գործողությունը, որոնք սահմանափակում են ակումբների հայտացուցակներում օտարերկրյա ֆուտբոլիստների քանակը։
Ըստ այդմ, Հայաստանի Պրեմիեր լիգայի ակումբները կարող են գրանցել լեգեոնականների՝ առանց նոր կանոնակարգով սահմանված քանակական սահմանափակման։
Ավելի վաղ Երևանի «Նոայի» զարգացման տնօրեն, ՀՖՖ Գործադիր կոմիտեի անդամ է Աննա Օհանյանը դատական հայց էր ներկայացրել Հայաստանի ֆուտբոլի ֆեդերացիայի դեմ: Հայցվորը պահանջել էր անվավեր ճանաչել Հայաստանի ֆուտբոլի ֆեդերացիայի Գործադիր կոմիտեի՝ 2026 թվականի հունիսի 27-ի «2026/27 մրցաշրջանի ՀՖՖ պրոֆեսիոնալ ֆուտբոլային մրցումների անցկացման կանոնակարգը հաստատելու մասին» որոշումը։
Հիշեցնենք, որ Հայաստանի առաջնությունում լեգեոնականների նոր սահմանափակման համաձայն՝ ակումբները մրցաշրջանի հայտացուցակում կարող էին ընդգրկել առավելագույնը 15 օտարերկրյա ֆուտբոլիստի՝ հաշվի առնելով առաջին և երկրորդ թիմերը։
Դավիթ Եղիազարյան
