Երևանի «Նոայի» զարգացման տնօրեն Աննա Օհանյանը դատական հայց է ներկայացրել Հայաստանի ֆուտբոլի ֆեդերացիայի դեմ, տեղեկանում ենք DataLex դատական տեղեկատվական համակարգից:
Երևանի քաղաքացիական դատարանը վարույթ է ընդունել հայցը, որով Աննա Օհանյանը պահանջում է անվավեր ճանաչել Հայաստանի ֆուտբոլի ֆեդերացիայի Գործադիր կոմիտեի՝ 2026 թվականի հունիսի 27-ի «2026/27 մրցաշրջանի ՀՖՖ պրոֆեսիոնալ ֆուտբոլային մրցումների անցկացման կանոնակարգը հաստատելու մասին» որոշումը։
Նոր կանոնակարգով հաստատվել էր Հայաստանի առաջնությունում լեգեոնականների նոր սահմանափակումը։ Դրա համաձայն՝ ակումբները մրցաշրջանի հայտացուցակում կարող են ընդգրկել առավելագույնը 15 օտարերկրյա ֆուտբոլիստի՝ հաշվի առնելով առաջին և երկրորդ թիմերը։
Աննա Օհանյանը նաև Հայաստանի ֆուտբոլի ֆեդերացիայի Գործադիր կոմիտեի անդամ է:
Դավիթ Եղիազարյան
