21.08.2026 | 13:58
Հոկտեմբերի 25-ի ՏԻՄ ընտրություններում ՔՊ-ն Ստեփանավանում թեկնածու է առաջադրել Արայիկ Ներսիսյանին
ՀՀ պատվավոր հյուպատոսը Մայք Ջոնսոնի և Աբրահամ Համադեի հետ քննարկել է տարածաշրջանային խաղաղության գործընթացը
Քաղաքականություն
21.08.2026 | 11:43
Արիզոնայում ՀՀ պատվավոր հյուպատոս Վարդան Արաբյանը մասնակցել է կոնգրեսական Աբրահամ Համադեի կազմակերպած ընդունելությանը՝ ի պատիվ ԱՄՆ Ներկայացուցիչների պալատի խոսնակ Մայք Ջոնսոնի։ Կարճատև զրույցի ընթացքում կողմերը կարևորել են 2025 թվականի օգոստոսի 8-ի Վաշինգտոնյան խաղաղության գագաթնաժողովին հաջորդած ձեռքբերումներն ու ԱՄՆ աջակցությունը տարածաշրջանում խաղաղության ամրապնդմանը։
«Արիզոնայում ՀՀ պատվավոր հյուպատոս Վարդան Արաբյանը, որպես ԱՄՆ-ում ՀՀ դեսպանության ներկայացուցիչ, մասնակցել է կոնգրեսական Աբրահամ Համադեի կողմից, ի պատիվ ԱՄՆ Ներկայացուցիչների պալատի խոսնակ Մայք Ջոնսոնի, կազմակերպված ընդունելությանը։
Ընդունելության ընթացքում հյուպատոս Արաբյանը կարճատև զրույց է ունեցել խոսնակ Ջոնսոնի և կոնգրեսական Համադեի հետ։ Զրույցի ընթացքում կարևորվել են Սպիտակ տանը 2025 թվականի օգոստոսի 8-ին կայացած Խաղաղության գագաթնաժողովին հաջորդած ձեռքբերումները, ինչպես նաև ԱՄՆ նախագահ Դոնալդ Թրամփի աջակցությունը տարածաշրջանում խաղաղության հաստատման ու ամրապնդման գործում։
Հյուպատոսը նաև փոխանցել է դեսպան Նարեկ Մկրտչյանի շնորհակալությունը՝ դեսպանությանը ընդունելությանը մասնակից դարձնելու համար»,- ասված է ՀՀ-ում ԱՄն դեսպանության տարածած հաղորդագրությունում։
