16.11.2024 | 18:50
Նիկոլ Փաշինյանը հեռախոսազրույց է ունեցել Դոնալդ Թրամփի հետ․ հայտնի է՝ ինչ հարցեր են քննարկվել
Ինձ չկարողացավ կանգնեցնել Խորհրդային միությունը՝ իր ԿԳԲ-ով, մի հատ խորը շունչ քաշեք և խելքներդ գլուխներդ հավաքեք. Դավիթ Շահնազարյան
Քաղաքականություն
05.12.2018 | 16:33
«Ինձ, հարյուրների ու հազարների 30 տարի չկարողացավ կանգնեցնել Խորհրդային միությունը՝ իր ԿԳԲ-ով, բանտերով ու բանակով։ Մի հատ խորը շունչ քաշեք և խելքներդ գլուխներդ հավաքեք։ Այս վարչախմբի իշխանությունը բավական կարճ է լինելու։ Մի դարձեք հանցակից Փաշինյանին»,- այսպես իրավապահ մարմիններին դիմեց ՀՀԿ ցուցակով առաջադրված Դավիթ Շահնազարյանը։
Նա կոչ է անում պետությունը պաշտպանել հեղափոխությունից, իր խոսքով՝ «չարիքից»։
ՀՀԿ գրասենյակում հրավիրված ասուլիսի ընթացքում Շահանզարյանը մի քանի անգամ քաղաքացիներին կոչ արեց քվեարկել Հանրապետականի օգտին՝ եթե չքվեարկեն, կրակոց կգնա դեպի Արցախը։ Լրագրողի դիտարկմանը՝ Հանրապետականներին այլ արգումենտ չի մնացել, որի համար Հանրապետականին պետք է քվեարկել, և փորձում են այսպիսի սպառնալիքով քաղաքացիներից քվե կորզել, Շահնազարյանը պատասխանեց․«Արգումենտները տասնյակ ու հարյուրավոր են, բայց սա է այն պատճառը, որ ես մտել եմ քաղաքականություն, և գտնվում եմ այն ցուցակում, որը միակն է, որը ոչ միայն այս հարցը հասկանում է, և պայքարելու է դրա համար։ Խրամատի այն հատվածում 1+9 ուժեր են՝ գորշ հատվածը նկատի ունեմ, որ Նիկոլ Փաշինյանի կամակատարներն են։ Քաղաքացին պետք է գիտակցի, որ Փաշինյանին տված ձայնը հարված է Արցախին և Հայաստանի պետականությանը»։
