20.08.2026 | 15:29
Քյարքին ՀՀ տարածք չէ, Արծվաշենը ՀՀ տարածք է․ Փաշինյան․ ՏԵՍԱՆՅՈՒԹ
«Մեր նախորդ ծրագրում Շուշիի դեօկուպացիայի մասին էինք գրել, ՀՀ քաղաքացին ինձ պարտադրել է վերանայել»․ Փաշինյան․ ՏԵՍԱՆՅՈՒԹ
Քաղաքականություն
20.08.2026 | 13:30
2021 թվականի խորհրդարանական ընտրություններին իշխող թիմը մուտք էր գործել Երրորդ հանրապետության գաղափարաբանությամբ, որի նախընտրական ծրագրում արձանագրված էին նաև Շուշիի և Հադրութի դեօկուպացիայի մասին դրույթները, սակայն քարոզարշավի ընթացքում քաղաքացիների հետ շփումները պարտադրեցին արմատապես վերանայել այդ հայեցակարգը։ Այս մասին Կառավարության նիստի ընթացքում հայտարարեց վարչապետ Նիկոլ Փաշինյանը։
«ՀՀ քաղաքացիները, հատկապես մեր հանրության այն հատվածը, ում ես ընկալում եմ որպես ՀՀ սնուցող մայրեր, նրանք մեզ և կոնկրետ ինձ, ըստ էության, պարտադրել են վերանայել այդ ամբողջ գաղափարաբանությունը, հայացքն ու հայեցակարգը։ Դրա արդյունքում ժողովրդի առաջ ստանձնած մեծագույն պարտավորությունը դարձավ տարածաշրջանի և Հայաստանի համար խաղաղ զարգացման հնարավորություն բացելը»,- ասաց վարչապետը։
Փաշինյանի բնորոշմամբ՝ Կառավարության նախորդ ծրագիրը եղել է «հիբրիդային», քանի որ իր մեջ ներառում էր ինչպես խաղաղության նոր օրակարգը, այնպես էլ հին բովանդակության տարրեր։
Նա պնդեց, որ նոր ծրագիրն ամբողջությամբ հիմնված է «Իրական Հայաստանի» և «Չորրորդ հանրապետության» տեսլականի վրա։
Մանրամասները՝ տեսանյութում։
Անի Թամրազյան
