11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Եթե Լիլիթ Գալստյանին չընտրեն, թեկնածուին չենք փոխի. Աննա Գրիգորյան․ ՏԵՍԱՆՅՈՒԹ
Քաղաքականություն
20.08.2026 | 11:48
Ազգային ժողովի «Հայաստան» խմբակցության ղեկավար Աննա Գրիգորյանը լրագրողների հետ զրույցում պարզաբանեց ընդդիմության դիրքորոշումն ու հետագա մարտավարությունը՝ կապված հանձնաժողովի նախագահի պաշտոնում Լիլիթ Գալստյանի թեկնածության քվեարկության հետ:
Անդրադառնալով այն հարցին, թե ինչ քայլերի կդիմի ընդդիմությունը, եթե իշխող մեծամասնությունը չընտրի իրենց առաջադրած թեկնածուին, Գրիգորյանը նշեց, որ ունեն նախանշված տարբերակներ. «Սցենար ունենք, բայց կարծում եմ՝ ընտրության ավարտից հետո միայն կարելի է խոսել, թե որ սցենարն ենք ընտրում և առաջարկում»:
Նա հավելեց, որ այդ տարբերակների մեջ ներառված է ինչպես թեկնածու առաջադրելու իրավունքի իրացումը, այնպես էլ դրանից հրաժարվելը:
Միևնույն ժամանակ, պատգամավորը վստահեցրեց, որ այլընտրանքային թեկնածու առաջադրելու մտադրություն չունեն. «Մենք ունենք մեր թեկնածուն, առաջադրել ենք տիկին Գալստյանին ու վստահ ենք, որ որևէ այլ թեկնածու չի առաջադրվելու»:
Մանրամասները՝ տեսանյութում։
Եվգենյա Համբարձումյան
