11.10.2026 | 12:45
ԱԹՍ-ների պատճառով Վլադիմիրում Yandex-ի տվյալների կենտրոնը դադարեցրել է աշխատանքը․ խնդիրներ՝ նաև Հայաստանում
Մոսկվայում և Մոսկվայի մարզում նավթային ընկերությունների բենզալցակայանները սահմանափակել են բենզինի վաճառքը
Քաղաքականություն
19.08.2026 | 15:19
Մի քանի խոշոր ռուսական նավթային ընկերությունների պատկանող բենզալցակայանները սահմանափակել են բենզինի վաճառքը Մոսկվայում և Մոսկվայի մարզում, Reuters-ին հայտնել են «Ռոսնեֆտ»-ի, «Գազպրոմնեֆտ»-ի և «Տատնեֆտ»-ի հաճախորդների սպասարկման թեժ գծերում, փոխանցում է Moscow Times-ը։
Օգոստոսին Ռուսաստանի որոշ շրջաններում, այդ թվում՝ Մոսկվայի և Մոսկվայի մարզի ամենախիտ բնակեցված հատվածներում, կրկին նավթամթերքի դեֆիցիտ է, ինչը դարձել է վառելիքի ճգնաժամի երկրորդ ալիքը, որը թափ էր հավաքում մայիսից և հուլիսին մի փոքր նվազել էր։
Նախօրեին էներգետիկայի նախարար Սերգեյ Ցիվիլևն ընդունել է Ռուսաստանում բենզալցակայաններում հերթերի խնդիրը՝ ասելով, որ իշխանություններն աշխատում են դրա լուծման ուղղությամբ։
«Ռոսնեֆտ»-ի թեժ գծի ներկայացուցիչը հայտնել է, որ ընկերության բոլոր բենզալցակայաններում բենզինի վաճառքը սահմանափակվում է մեկ մեքենայի համար 30 լիտրով։ Դիզելային վառելիքի պարագայում սահմանափակումներ չկան, իսկ լցակայաններում սպասման ժամանակն ավելացել է պահանջարկի աճի պատճառով։
«Լուկօյլ»-ի հաճախորդների սպասարկման ծառայությունը հայտնել է վառելիքի տեղային սահմանափակումների մասին՝ պահանջարկի աճի և գործարանի չպլանավորված սպասարկման պատճառով, սակայն վաճառքի սահմանաչափերը։
«Լուկօյլ»-ի մամուլի ծառայությունը հրաժարվել է մեկնաբանություն տալ։
«Գազպրոմնեֆտ»-ն ավտոմատացված բենզալցակայաններում բենզինի և դիզելային վառելիքի 40 լիտրի սահմանաչափ է սահմանվել, մինչդեռ ընկերության մյուս լցակայաններում դիզելային վառելիքի սահմանափակումներ չկան, իսկ բենզինը վաճառվում է մեկ մեքենայի համար 60 լիտրի չափով, հայտնել է թեժ գծի ներկայացուցիչը:
«Տատնեֆտ»-ը սահմանափակել է բենզինի վաճառքը իր լցակայաններում մինչև 50 լիտրով, իսկ դիզելային վառելիքի վաճառքը՝ ոչ ավելի, քան 400 լիտր։
«Սուրգութնեֆտեգազ»-ի մամուլի ծառայությունը չի պատասխանել հեռախոսազանգին:
