19.08.2026 | 14:05
Լարված խոսակցություն Արման Եղոյանի և Ռուբեն Մխիթարյանի միջև
Զելենսկիի գրասենյակի ղեկավարի տեղակալի տանը խուզարկություն է․ հայտարարվել է «հանցավոր կազմակերպության բացահայտման» գործողության մասին
Քաղաքականություն
19.08.2026 | 12:18
Ուկրաինայի ազգային հակակոռուպցիոն բյուրոն (НАБУ) և Հակակոռուպցիոն մասնագիտացված դատախազությունը (САП) հայտարարել են «հանցավոր կազմակերպության բացահայտման» հատուկ գործողության մասին, որը գործել է Գերագույն ռադայի ներկա և նախկին անդամների ղեկավարությամբ, գրում է Current time-ը։
Հաղորդվում է, որ դրա գործունեությանը մասնակցել են Ուկրաինայի նախագահի աշխատակազմի բարձրաստիճան պաշտոնյաներ:
Հատուկ գործողության մանրամասները չեն հաղորդվում, չեն բացահայտվում նաև գործում ներգրավված անձանց անունները:
Գերագույն ռադայի պատգամավոր Ալեքսեյ Գոնչարենկոն հայտարարել է, որ խուզարկություն է իրականացվում նախագահի գրասենյակի ղեկավարի տեղակալ Իրինա Մուդրայայի տանը: Supernova+ տելեգրամյան ալիքը հաղորդում է, որ գործի նյութերում նշված են նաև պատգամավոր Վադիմ Ստոլարը, նախկին պատգամավոր Մաքսիմ Միկիտասը, ինչպես նաև Արդարադատության նախարարության պաշտոնյաներ և «Սենս» բանկի ներկայացուցիչներ:
