11.10.2026 | 10:11
Շանհայ. Կարեն Խաչանովը դուրս եկավ 1/8 եզրափակիչ
Թրոլինգ է ձեր կողմից այս հանձնաժողովի ընտրությունը․ Վահագն Ալեքսանյանը՝ «Ուժեղ Հայաստանին»․ ՏԵՍԱՆՅՈՒԹ
Քաղաքականություն
18.08.2026 | 18:06
Ազգային ժողովում Եվրոպական ինտեգրման հարցերի մշտական հանձնաժողովի նախագահի թեկնածուի ընտրության հարցի շուրջ քննարկման ժամանակ ԱԺ փոխնախագահ Վահագն Ալեքսանյանը կասկածի տակ դրեց ընդդիմադիր խմբակցության անկեղծությունը հանձնաժողովի ընտրության հարցում։
Նա հայտարարեց. «Իմ մոտ տպավորություն է, որ ձեր կողմից այս հանձնաժողովի ընտրությունը թրոլինգ է»։
Որպես հիմնավորում պատգամավորը նշեց, որ երբ հայտնվել է հանձնաժողովի անունը, ընդդիմադիր ողջ խմբակցությունը ծիծաղել է։ Ալեքսանյանը հարցրեց՝ արդյո՞ք Ազգային ժողովը թրոլինգի համար պատշաճ վայր է։
Ի պատասխան մեղադրանքներին՝ նախագահի թեկնածու Արեգա Հովսեփյանի կենսագրությունը ներկայացնող Լենա Մաթևոսյանը հորդորեց զերծ մնալ որակավորումներից և իր հերթին զարմանք հայտնեց իշխանական թիմի գործելաոճի վերաբերյալ։
«Մեր համար էլ շատ զարմանալի էր, որ այդքան գոռում-գոչում եք եվրաինտեգրման մասին, բայց այդքան առաջնահերթ չէր ձեզ համար, որ առաջինը դուք ընտրեիք այս հանձնաժողովը»,- նշեց նա։
Մանրամասները՝ տեսանյութում։
Եվգենյա Համբարձումյան
