04.09.2026 | 16:46
Գագիկ Ծառուկյանն ազատ չի արձակվի. դատարանը որոշեց կալանավորումը երկարաձգել
Հայաստանը ոչ մի խնդրանքով չի դիմել. Նիկոլ Փաշինյանը՝ ՀԱՊԿ գագաթնաժողովը չեղարկելու մասին
Քաղաքականություն
05.12.2018 | 12:11
Վարչապետի պաշտոնակատար Նիկոլ Փաշինյանը պնդում է, որ Հայաստանը հետևողականորեն շարունակում է բանակցել ՀԱՊԿ գլխավոր քարտուղարի պաշտոնում մեր թեկնածուի նշանակման հարցով:
«Հայաստանը ոչ մեկին ոչ մի խնդրանքով չի դիմել, ոչ էլ՝ առաջարկությամբ: Մենք ասել ենք, որ մենք ունենք մեր թեկնածուն ՀԱՊԿ-ում և հետևողական շարունակում ենք բանակցել մեր թեկնածուի շուրջ»,- լրագրողների հետ զրույցում այս մասին ասաց վարչապետի պաշտոնակատարը:
Լրագրողի հարցին ի պատասխան, թե այդ դեպքում ինչո՞ւ է ռուսական կողմը հայտնում, որ Հայաստանի խնդրանքով է գագաթնաժողովը չեղարկվել, Փաշինյանը պատասխանեց. «Չեմ կարող ասել: Տարօրինակ է»: Վարչապետի պաշտոնակատարն ասաց՝ Ռուսաստանի նախագահի հետ հանդիպումներում խոսում է ցանկացած հուզող հարցի մասին, և հավելեց. «Բայց չեմ կարծում, որ Ռուսաստանի նախագահի հետ պետք է խոսեմ իր օգնականի հայտարարության մասին: Եվ բազմիցս ասել եմ, որ գլխավոր քարտուղարի հարցն ամենակարևոր հարցերից չէ: Շատ ավելի կարևոր հարցեր են քննարկվում այդ համատեքստում, և ամենակարևոր հարցը ՀԱՊԿ-ի էֆեկտիվության, կազմակերպության անդամ երկրների ունեցած փոխադարձ պարտավորությունների և այդ պարտավորությունների կատարման մեխանիզմների հարցն է»:
Հիշեցնենք, որ նախօրեին ՌԴ նախագահի օգնական Յուրի Ուշակովը հայտարարել էր, որ ՀԱՊԿ անդամ երկրների առաջնորդների՝ դեկտեմբերի 6-ին նախանշված գագաթնաժողովը չեղարկվել է՝ հաշվի առնելով ընտրություններին պատրաստվող Հայաստանի համապատասխան խնդրանքը:
