27.09.2026 | 17:00
ՄՔԾ-ի մի շարք ստորաբաժանումներ և շրջիկ գրասենյակներ այսօր կաշխատեն մինչև 20:00-ն
Ալիգատորից կոշիկներ ա հագնում Գևորգ Սաղոյանը, դրա գինը նայեք․ Մեսրոպ Մանուկյան. ՏԵՍԱՆՅՈՒԹ
Քաղաքականություն
13.08.2026 | 11:30
Ազգային ժողովի «Հայաստան» խմբակցության անդամ Մեսրոպ Մանուկյանն իր ելույթում անդրադարձավ ՊԵԿ վերահսկողության վարչության նախկին պետ և ՔՊ նախընտրական ցուցակի 122-րդ համար Գևորգ Սաղոյանին։ Ըստ պատգամավորի՝ Սաղոյանը, ստանալով ընդամենը 500,000 դրամ աշխատավարձ, ցուցադրում է շեշտակի հարստացում։
«Պարզվում է՝ մի քյասիբ անձնավորություն անցյալ տարի 230 միլիոն է ստացել… ու ապրում է մի հատ պստիկ, խղճուկ 510 քառակուսանոց տան մեջ»,- հեգնեց Մանուկյանը։
Նա նաև ուշադրություն հրավիրեց պաշտոնյայի թանկարժեք աքսեսուարների վրա՝ նշելով. «Ալիգատորից կոշիկներ է հագնում այս մեր ընկերը, հասկանո՞ւմ եք, ժողովուրդ, դրա գինը նայեք»։
Մանուկյանը մեղադրեց իշխանություններին երկակի ստանդարտների մեջ՝ համեմատելով նույն կարգավիճակն ունեցող երկու նախկին պաշտոնյաների ճակատագրերը։ Ըստ նրա՝ այն անձինք, ովքեր «ընդունել են ՔՊ-ի կրոնը» և կրում են կուսակցական գլխարկը, անձեռնմխելի են, իսկ այլախոհները հետապնդվում են։
«Եթե կա սար, սարը բոլորին պիտի հավասար լինի… բայց երբ որ տեսնում ես, որ արդարադատությունը իրականացվում է ապօրինի ճանապարհով, դու այդտեղ խնդիր ես տեսնում»,- նշեց նա։
Մանրամասները՝ տեսանյութում։
Եվգենյա Համբարձումյան
