12.08.2026 | 19:36
Ռուսական «ստվերային նավատորմի» նավից արտահոսած նավթը հասել է Օմանի ափ
Հարցն անձնական վիրավորանք եմ ընդունում, չեմ պատասխանում․ Հայկ Ֆարմանյանը՝ Վիլեն Գաբրիելյանին. ՏԵՍԱՆՅՈՒԹ
Քաղաքականություն
12.08.2026 | 17:44
Ազգային ժողովի Ֆինանսավարկային և բյուջետային հարցերի մշտական հանձնաժողովի նախագահի թեկնածու Հայկ Ֆարմանյանը, պատասխանելով պատգամավոր Վիլեն Գաբրիելյանի հարցերին, անդրադարձել է իր աշխատանքային անցյալին և կոռուպցիոն երևույթների նկատմամբ վերաբերմունքին։
Պատգամավորի ուղիղ հարցին՝ արդյո՞ք երբևէ կաշառք վերցրել է, Հայկ Ֆարմանյանը պատասխանել է. «Նման հարցն ընդունում եմ որպես անձնական վիրավորանք։ Չի եղել նման բան, բնականաբար՝ չէր էլ կարող լինել»։
Նա հավելել է, որ իր դաստիարակությունը երբեք թույլ չի տվել ներգրավվել արատավոր երևույթների մեջ, և իր կարիերայի մեծ մասն անցկացրել է անալիտիկ և մեթոդաբանական ստորաբաժանումներում։
Վիլեն Գաբրիելյանը պարզաբանել է, որ վիրավորելու միտում չի ունեցել և ակնկալել է հենց ժխտողական պատասխան։
Մանրամասները՝ տեսանյութում։
Եվգենյա Համբարձումյան
