12.08.2026 | 18:18
Ինչպես է ապահովագրության համակարգը գործելու 200 հազարից ցածր աշխատավարձ ստացողների համար. ՏԵՍԱՆՅՈՒԹ
Գագիկ Խաչատրյանին տեսնելուց կբարևեմ. Հայկ Ֆարմանյանը՝ ՊԵԿ-ում աշխատանքի մասին. ՏԵՍԱՆՅՈՒԹ
Քաղաքականություն
12.08.2026 | 16:32
Ազգային ժողովում Ֆինանսավարկային և բյուջետային հարցերի մշտական հանձնաժողովի նախագահի թեկնածու Հայկ Ֆարմանյանը պատասխանել է պատգամավոր Նարեկ Գրիգորյանի հարցերին, որոնք վերաբերում էին Պետական եկամուտների կոմիտեի նախկին նախագահ Գագիկ Խաչատրյանի հետ աշխատանքային կապերին, ինչպես նաև 2018 թվականի իշխանափոխությունից հետո իր աշխատանքից ազատմանը։
Պատգամավորի հարցին, թե կհորդորի՞ Գագիկ Խաչատրյանին վերադարձնել «պետությունից գողացվածը», Հայկ Ֆարմանյանը պատասխանել է, որ փաստերի չի տիրապետում և չի կարող գնահատականներ տալ քրեաիրավական տիրույթում գտնվող հարցերին։
«Գագիկ Խաչատրյանին տեսնելուց կբարևեմ։ Առաջին հերթին՝ իմ առաջխաղացման հետ կապված այն ժամանակահատվածում, որ աշխատել եմ, շնորհակալ եմ միշտ պարոն Խաչատրյանին»,- նշել է թեկնածուն՝ հավելելով, որ ՊԵԿ համակարգում աշխատել է տարբեր ղեկավարների, այդ թվում՝ Արմեն Ավետիսյանի, Հովիկ Հովսեփյանի և Դավիթ Անանյանի օրոք։
Ֆարմանյանը հայտարարել է, որ 2018 թվականին նոր իշխանությունների կողմից ուղիղ հրահանգ է տրվել որոշակի պաշտոնյաների՝ աշխատանքից ազատման դիմումներ գրելու համար։
«Ասել են՝ «դուք յուրային չեք, դիմում գրեք, գնացեք»։ Ես եղել եմ այն բացառիկ մարդկանցից մեկը, ով դիմում չի գրել»,- ասել է նա՝ պարզաբանելով, որ հետագայում աշխատանքից դուրս է մնացել կառուցվածքային փոփոխությունների հետևանքով։
Մանրամասները՝ տեսանյութում։
Եվգենյա Համբարձումյան
