14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
«Խորհրդի անդամ կլինեմ, նոր կմտածեմ». Լևոն Սարգսյանը` Մատենադարանի խորհդի նախագահ դառնալու լուրերի մասին
26.07.2017 | 14:14
«Ես Մատենադարանի խորհրդի անդամ էլ չեմ, որ ընտրվեմ խորհրդի նախագահ: Խորհուրդը դեռ կազմված չէ, կազմվի` կխոսենք: Ես չգիտեմ` խորհրդի անդամ կլինե՞մ, թե՝ չէ»,-Factor.am- հետ զրույցում ասաց ՀՀ ԱԳՆ հատուկ հանձնարարություններով դեսպան, ԵՊՀ աստվածաբանության ֆակուլտետի Հայ եկեղեցու պատմության և եկեղեցաբանության ամբիոնի վարիչ, ՀՀ նախագահ Սերժ Սարգսյանի եղբայր Լևոն Սարգսյանը` անդրադառնալով այն լուրերին, թե ինքը դառնալու է Մատենադարանի խորհդի նախագահ:
Մեր հարցին, թե, այնուամենայնիվ, ունի նման ցանկություն, Լևոն Սարգսյանը պատասխանեց. «Խորհրդի անդամ կլինեմ, նոր կմտածեմ, չգիտեմ, չեմ կարող ասել»:
ՀՀ կրթության և գիտության նախարարության ««Մատենադարան» Մեսրոպ Մաշտոցի անվան հին ձեռագրերի գիտահետազոտական ինստիտուտ» պետական ոչ առևտրային կազմակերպությունը կվերակազմակերպվի ««Մատենադարան» Մեսրոպ Մաշտոցի անվան հին ձեռագրերի գիտահետազոտական ինստիտուտ» հիմնադրամի: Այս մասին նախագիծը կառավարության նիստին օրերս ներկայացրել է կրթության և գիտության նախարար Լևոն Մկրտչյանը:
«Հրապարակ» օրաթերթը գրել էր, որ հիմնադրամ դառնալուն զուգահեռ` փոփոխություններ կլինեն նաև Մատենադարանի խորհրդի կազմում` անդամների թիվը կկրճատվի, և խորհրդի նախագահ կդառնա Սերժ Սարգսյանի եղբայրը՝ Լևոն Սարգսյանը։
Հիշեցնենք, որ դեռևս նախորդ տարեվերջից լուրեր էին շրջանառվում այն մասին, որ նա է լինելու Մատենադարանի տնօրենը:
Աննա Բաբաջանյան
