12.08.2026 | 14:16
72-ամյա պատգամավորը մասնակցել է Ռուսաստանի գավաթի հանդիպման
Ալիևը հայտարարել է, թե Նախիջևանի հետ ցամաքային կապն Ադրբեջանի «վաղեմի երազանքն» է
Քաղաքականություն
12.08.2026 | 12:41
Ադրբեջանի նախագահ Իլհամ Ալիևը կրկին, այսպես կոչված, «Զանգեզուրի միջանցքից» է խոսել՝ հայտարարելով, թե դրա բացումից հետո Ադրբեջանից դեպի Իրան երկրորդ երկաթուղային գիծը կգործի, գրում են ադրբեջանական լրատվամիջոցները։
Նա «Զանգեզուրի միջանցքով» ձգվող երթուղին մինչև Պակիստան է հասցրել։
«Պարսից ծոց տանող Հյուսիս-Հարավ տրանսպորտային միջանցքը, ի վերջո, կարող է ձգվել մինչև Պակիստան։ Այս դեպքում Նախիջևանը կլինի խոշոր տրանսպորտային նախագծի կենտրոնում»,- ասել է նա։
Ալիևը հայտարարել է նաև, թե «հենց Բաքուն է նախաձեռնել Զանգեզուրի միջանցքի ստեղծումը»՝ հավելելով, որ Ադրբեջանի մայրցամաքային մասը Նախիջևանի հետ կապելը երկրի «վաղեմի երազանքն» է։
«Մենք վստահորեն և հմտորեն առաջ ենք շարժվել դեպի այս նպատակը և արդեն մոտեցել ենք դրան»,- ասել է Ադրբեջանի ղեկավարը։
Նշենք, որ Վաշինգտոնում օգոստոսի 8-ին ստորագրված փաստաթղթերում «Զանգեզուրի միջանցք» եզրույթ օգտագործված չէ, կողմերի միջև չկա նման պայմանավորվածություն։ Դրանցում նշվում է «Թրամփի ուղու» (TRIPP) մասին, սակայն Բաքվի քարոզչամեքենան, Ադրբեջանի նախագահ Իլհամ Ալիևի գլխավորությամբ, շարունակում է «միջանցք» եզրույթն օգտագործել՝ խեղաթյուրելով ստորագրված փաստաթղթերի բովանդակությունը։
