27.09.2026 | 15:06
Հայազգի տիեզերագնաց Հարություն Կիվիրյանը կուղևորվի Միջազգային տիեզերակայան
Կիևը հաստատել է Օրենբուրգի մարզում նավթավերամշակման գործարանին հարվածը
Քաղաքականություն
11.08.2026 | 15:20
Ուկրաինայի պաշտպանության ուժերի ստորաբաժանումները հարվածել են Օրենբուրգի մարզի Օրսկ քաղաքում գտնվող «Օրսկնեֆտեօրգսինտեզ» նավթավերամշակման գործարանին, հայտարարել է Ուկրաինայի զինված ուժերի գլխավոր շտաբը, փոխանցում է BBC-ի ռուսական ծառայությունը։
«Գրանցվել է հրդեհ։ Վնասի չափը պարզվում է»,- ասվում է Գլխավոր շտաբի հայտարարության մեջ։
Նշվում է նաև, որ «Օրսկնեֆտեօրգսինտեզ»-ն Օրենբուրգի մարզի ամենամեծ նավթավերամշակման գործարաններից է, որն արտադրում է բենզին, դիզելային և ավիացիոն վառելիք, մազութ, բիտում և այլ նավթամթերք։
Ավելի վաղ «Օրսկնեֆտեօրգսինտեզ»-ի վրա ուկրաինական անօդաչու թռչող սարքի հարվածի և դրա հետևանքով առաջացած հրդեհի մասին հաղորդել էին ուկրաինական մոնիթորինգային ալիքները։
Օրենբուրգի մարզի նահանգապետ Եվգենի Սոլնցևը հաստատել է, որ անօդաչուները գիշերը հարձակվել են տարածաշրջանի վրա, և որ արդյունաբերական օբյեկտում հրդեհ է բռնկվել «անօդաչու թռչող սարքի բեկորների ընկնելու հետևանքով»։ Նահանգապետը չի նշել, թե որ օբյեկտի մասին է խոսքը։
