11.08.2026 | 15:42
Հալաբյան փողոցում հայտնաբերված նորածինը եղել է ծանր վիճակում․ բժիշկները կայունացրել են նրա վիճակը
Ասեք՝ Սահմանադրության նոր տեքստում Անկախության հռչակագրին հղումը հանվա՞ծ է․ Գրիգորյանը՝ Ջուլհակյանին․ ՏԵՍԱՆՅՈՒԹ
Քաղաքականություն
11.08.2026 | 14:21
«Արդյո՞ք այդ նոր տեքստի մեջ, որը հայ ժողովուրդը չի տեսել, Անկախության հռչակագրին հղումը հանված է, թե՞ ոչ։ Ժամկետների մասով՝ ինչո՞ւ են այդ փոփոխությունները տեղի ունենում, մարտի 1-ին պետք է հրապարակվեր, հիմա ասում եք՝ մինչև տարվա վերջ»,- Ազգային ժողովում, դիմելով Պետական-իրավական հարցերի մշտական հանձնաժողովի նախագահի թեկնածու Արուսյակ Ջուլհակյանին, հարցրեց «Հայաստան» խմբակցության պատգամավոր Աննա Գրիգորյանը։
Արուսյակ Ջուլհակյանի խոսքով՝ որևէ բան Սահմանադրության տեքստից չի հանվել։
«Մենք գրում ենք նոր Սահմանադրություն, ոչ թե վերցրել ենք Սահմանադրությունը և մեջից ինչ-որ բաներ ենք ջնջել, այլ վերցրել ենք դատարկ թուղթ և վրան սկսել ենք գրել նոր Սահմանադրության տեքստ։ Արդյո՞ք այն նախաբանը, որը ենթադրվում է, որ պետք է լինի նախագծում, իր մեջ պարունակում է հղում Անկախության հռչակագրին․ ոչ, և չպետք է պարունակեր, և այստեղ Ալիևը որևէ կապ չունի, որքան էլ որ դուք խոսեք այդ մասին»,- ասաց ՔՊ-ական պատգամավորը
Ջուլհակյանը, պատասխանելով ժամկետների վերաբերյալ հարցին, նշեց, որ նախագիծը դեռ քննարկման փուլում է, և այն կհրապարակվի, երբ պատրաստ լինի որպես ամբողջական տեքստ։ Նա նաև ասաց, որ նախատեսված է այն հրապարակել մինչև տարեվերջ։
Մանրամասները՝ տեսանյութում։
Անի Թամրազյան
