27.09.2026 | 17:00
ՄՔԾ-ի մի շարք ստորաբաժանումներ և շրջիկ գրասենյակներ այսօր կաշխատեն մինչև 20:00-ն
ՌԴ Գերագույն դատարանը «Յաբլոկո»-ին զրկել է Պետդումայի ընտրություններին մասնակցելուց
Քաղաքականություն
10.08.2026 | 21:57
ՌԴ Գերագույն դատարանը բավարարել է «Ռոդինա» կուսակցության հայցը՝ «Յաբլոկո» կուսակցությանը Պետդումայի ընտրություններից հանելու վերաբերյալ։ «Ռոդինան» կուսակցությանը մեղադրել էր հեղինակային իրավունքների խախտման, ապօրինի նախընտրական քարոզչության և ծայրահեղականությանը աջակցելու մեջ։
Meduza-ի փոխանցմամբ՝ դատարանում «Ռոդինայի» ներկայացուցիչը «Յաբլոկոյի» հակապատերազմական դիրքորոշումը ներկայացրել է որպես ծայրահեղականության և Ռուսաստանի տարածքային ամբողջականության խախտման կոչեր։ Հայցում որպես հեղինակային իրավունքի խախտումներ նշվել են նաև խորհրդային երգերից արտահայտությունների և ChatGPT-ի միջոցով ստեղծված պատկերների օգտագործումը։
«Յաբլոկոյի» առաջնորդ Նիկոլայ Ռիբակովը հերքել է մեղադրանքները՝ դրանք կապելով կուսակցության քաղաքական դիրքորոշման հետ։ ԿԸՀ-ն և դատախազությունը ևս աջակցել են կուսակցությանը ընտրություններից հանելուն։
Դատարանի որոշումը դեռևս օրինական ուժի մեջ չի մտել, իսկ «Յաբլոկոն» հայտարարել է, որ այն բողոքարկելու է։
