27.09.2026 | 17:00
ՄՔԾ-ի մի շարք ստորաբաժանումներ և շրջիկ գրասենյակներ այսօր կաշխատեն մինչև 20:00-ն
Պատրա՞ստ եք հրապարակել 44-օրյա պատերազմի հանգամանքներն ուսումնասիրող հանձնաժողովի զեկույցը. Մանուկյանը՝ Գաբրիելյանին. ՏԵՍԱՆՅՈՒԹ
Քաղաքականություն
10.08.2026 | 17:11
ԱԺ-ում Պաշտպանության և անվտանգության մշտական հանձնաժողովի նախագահի թեկնածու Վիլեն Գաբրիելյանին «Ուժեղ Հայաստան» խմբակցության պատգամավոր Մեսրոպ Մանուկյանը հարց ուղղեց 44-օրյա պատերազմի հանգամանքներն ուսումնասիրող քննիչ հանձնաժողովի զեկույցի հրապարակման մասին։
Մանուկյանը հիշեցրեց, որ Գաբրիելյանը 2022 թվականին ստեղծված հանձնաժողովի անդամ է եղել, սակայն զեկույցի պատրաստման վերջնական փուլում այլևս հանձնաժողովի անդամ չի եղել։
Պատգամավորը Գաբրիելյանին հարցրեց՝ պատրա՞ստ է արդյոք ամբողջությամբ հրապարակել զեկույցը։ Նա նաև հետաքրքրվեց՝ արդյոք Գաբրիելյանին հայտնի է, թե հանձնաժողովի անդամներից ովքեր են ստորագրել զեկույցը, իսկ ովքեր՝ ոչ։
«Մեր հասարակության իրազեկված լինելու իրավունքը չի կարող խաթարվել»,- պատասխանեց Գաբրիելյանը։
Ինչ վերաբերում է զեկույցի տակ իր ստորագրությանը՝ Գաբրիելյանը նշեց, որ այն չի ստորագրել, քանի որ մանդատը վայր դնելուց հետո, երբ զեկույցն արդեն պատրաստ էր, դրան չի ծանոթացել։
Մանուկյանը, սակայն, կրկին պնդեց, որ հարցն իրեն հետաքրքրում է հենց զեկույցի հրապարակման մասով և Գաբրիելյանից պահանջեց հստակ ասել՝ պատրա՞ստ է այն հրապարակել, թե՞ ոչ։
Գաբրիելյանը կրկին ընդգծեց, որ զեկույցի հրապարակման հարցը չի կարող որոշվել միայն իր կամ Պաշտպանության և անվտանգության հանձնաժողովի նախագահի կողմից։
«Վիլեն Գաբրիելյանի որոշելիքը չի, ոչ էլ Պաշտպանության և անվտանգության հանձնաժողովի նախագահի որոշելիքն է, բայց Վիլեն Գաբրիելյանի ցանկությունն է, որ այդ զեկույցը հասանելի լինի մեր հանրությանը»,- հայտարարեց նա։
Մանրամասները՝ տեսանյութում։
Արփի Հակոբյան
