10.08.2026 | 19:54
Կոլումբիայում 7.4 մագնիտուդով հզոր երկրաշարժ է տեղի ունեցել․ զոհերի թիվը հասել է 20-ի
Ուկրաինայում նվիրատվությունների համար ռուս տղամարդը 13 տարվա ազատազրկման է դատապարտվել
Քաղաքականություն
10.08.2026 | 14:58
Ռուսաստանում Սվերդլովսկի մարզային դատարանը 34-ամյա Իվան Ստոլբովին դատապարտել է 13 տարվա ազատազրկման խիստ ռեժիմի գաղութում՝ պետական դավաճանության մեղադրանքով (Քրեական օրենսգրքի 275-րդ հոդված), հաղորդում է «Մեդիազոնա»-ն։
Նշվում է, որ քրեական գործը կազմվել է ուկրաինական կազմակերպության հաշվին «մոտավորապես 100 գրիվնա» արժողությամբ 11 փոխանցումների հիման վրա։
Դատավճռից պարզ է դարձել, որ Ստոլբովը ծնվել է Սարապուլում և ունի Ռուսաստանի քաղաքացիություն։ Ձերբակալությունից առաջ նա բնակվել է Ուկրաինայի Իվանո-Ֆրանկովսկ քաղաքում և Ռուսաստանում գրանցում չի ունեցել։ Նա Եկատերինբուրգ է մեկնել՝ հարազատներին այցելելու։ Նրան նախ ձերբակալել են «Կոլցովո» օդանավակայանում։
Տեղական դատական արձանագրությունների համաձայն՝ Իվան Ստոլբովը կալանավորվել է 2025 թվականի հուլիսի սկզբին և ենթարկվել է երեք «կարուսելային» ձերբակալության՝ 2025 թվականի հուլիսի 2-ին՝ մանր խուլիգանության համար, և հուլիսի 16-ին ու 30-ին՝ մանր խուլիգանության և ԱԴԾ աշխատակցին չենթարկվելու համար։
