10.08.2026 | 17:40
Մոլդովայի ԱԳՆ-ն հետ է կանչում Մոսկվայում դեսպանին՝ երկրի տարածքում ռուսական ԱԹՍ-ի անկումից հետո
ՔՊ-ն որոշել է 13 կողմ քվե ապահովել Վարդևանյանի ընտրվելու համար. Արուսյակ Մանավազյան. ՏԵՍԱՆՅՈՒԹ
Քաղաքականություն
10.08.2026 | 11:45
«Քաղաքացիական պայմանագիր» խմբակցությունը որոշել է 13 կողմ ձայն ապահովել ԱԺ փոխնախագահի ընդդիմադիր թեկնածու Արամ Վարդևանյանի ընտրվելու համար։ Այս մասին Ազգային ժողովի միջանցքում լրագրողների հետ զրույցում հայտնեց «Քաղաքացիական պայմանագիր» խմբակցության ներկայացուցիչ Արուսյակ Մանավազյանը։
Factor TV-ի հարցին, թե արդյոք պատգամավորների վրա պարտադրանք է դրվել՝ Մանավազյանն ընդգծեց․ «Պարտադրանք չէ, դա որոշում է, խմբակցության որոշումն է։ Անձը ի՞նչ կարևոր է, երբ խմբակցությունն ունի որոշում՝ բավարար չափով ձայներ ապահովելու։ 53 ձայն է պետք ընտրվելու համար, ուստի սպասվում է 13 ձայն»։
Լրագրողի դիտարկմանը, թե արդյոք դա քաղաքական որոշում է, որպեսզի ավելի ձայներ չլինեն, Արուսյակ Մանավազյանը պատասխանեց․ «Այո, այնքան բավարար է, որովհետև իրենք մեր թեկնածուներին կողմ ձայն չեն տվել, թեև նշեցի, որ առավել քան արժանի էին մեր թեկնածուները, ամեն դեպքում որոշում ունենք խմբակցության։ Չենք տապալում ընտրությունը, թեև համաձայն չեմ այն կարծիքին, որ դա մեր պարտավորությունն է, մենք կարող էինք չընտրել։ Երկրորդ անգամ թեկնածու կառաջադրեին, երրորդ անգամ կառաջադրեին, կանցնեինք հարցերի հաջորդ օրակարգին և որևէ բան տեղի չէր ունենա Ազգային ժողովում»
Մանրամասները՝ տեսանյութում։
Նարեկ Կիրակոսյան
