16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Արմեն Սարգսյանի նստավայրը բաժին կհասնի Աննա Հակոբյանի գրասենյակի՞ն
Քաղաքականություն
04.12.2018 | 19:53
Վարչապետի պաշտոնակատարի տիկին Աննա Հակոբյանի խոսնակ Հասմիկ Հարությունյանը Factor.am-ի հետ զրույցում ոչ հերքեց, ոչ հաստատեց Աննա Հակոբյանի գրասենյակը նախագահ Արմեն Սարգսյանի նախկին նստավայր՝ Մաշտոցի 47 տեղափոխելու մասին լուրը։
«Ես նման տեղեկություն չունեմ․ երբ կունենամ՝ այն ժամանակ կա՛մ կհերքեմ, կա՛մ կհաստատեմ»,-մեզ հետ զրույցում ասաց խոսնակը։
Նշենք, որ ըստ շրջանառվող լուրերի՝ Աննա Հակոբյանի գրասենյակի աշխատակիցներն արդեն իրենց իրերն են հավաքում և պատրաստ են տեղափոխման։
Հիշեցնենք նաև, որ նոյեմբերի 22-ին Ազգային ժողովն ընդունեց «Պաշտոնատար անձանց գործունեության ապահովման, սպասարկման և սոցիալական երաշխիքների մասին ՀՀ օրենքում փոփոխություններ և լրացումներ կատարելու մասին» օրենքի նախագիծը, ըստ որի՝ ՀՀ նախագահի նստավայրը Մաշտոցի 47 հասցեից տեղափոխվում է Բաղրամյան 26։
