27.09.2026 | 18:41
ՏԻՄ ընտրությունների մասնակցության արդյունքները ըստ համայնքների՝ 17։00-ի դրությամբ
Ուկրաինայի ԶՈՒ-ն հայտարարել է Ղրիմում մի քանի օբյեկտների ոչնչացման մասին
Քաղաքականություն
07.08.2026 | 15:00
Ուրբաթ գիշերը Ուկրաինայի պաշտպանության ուժերի ստորաբաժանումները բռնակցված Ղրիմում ռադարային կայան և հարձակողական անօդաչու թռչող սարքերի պահեստ են ոչնչացրել, ասվում է Ուկրաինայի գլխավոր շտաբի հայտարարության մեջ, փոխանցում է BBC-ի ռուսական ծառայությունը։
Բացի այդ, ըստ հաղորդագրության, Ուկրաինայի զինված ուժերը Ղրիմում և Խերսոնի մարզի նավահանգստում «Գերան/Գերբերա» տիպի հարձակողական անօդաչու թռչող սարքերի կառավարման երկու ցամաքային փոխանցող կայան են ոչնչացրել։
«Ցամաքային փոխանցող կայաններն օպերատորների և հարձակողական անօդաչու թռչող սարքերի միջև կայուն կապ և հրամանատարական փոխանցում են ապահովում՝ մեծացնելով դրանց հեռահարությունն ու արդյունավետությունը»,- հայտարարել է Ուկրաինայի ԶՈՒ Գլխավոր շտաբը։
Ռուսաստանի պաշտպանության նախարարությունը դեռևս չի մեկնաբանել այս հայտարարությունները։
