27.09.2026 | 17:27
Համաշխարհային օլիմպիադա. Շախմատի Հայաստանի հավաքականների վերջնական դիրքերը
Ադրբեջանն ու Ղազախստանն ավարտել են Տրանսկասպյան օպտիկամանրաթելային մալուխի անցկացումը
Քաղաքականություն
06.08.2026 | 14:08
Ադրբեջանն ու Ղազախստանն ավարտել են Տրանսկասպյան օպտիկամանրաթելային կապի գծի կառուցման կարևոր փուլը։ Այս մասին հայտարարել է Ղազախստանի Արհեստական բանականության և թվային զարգացման նախարարությունը, փոխանցում են ադրբեջանական լրատվամիջոցները։
Ստորջրյա մալուխը հաջողությամբ հասել է Ղազախստանի ափ՝ նշանավորելով նախագծի ամենադժվար փուլի ավարտը։ Այն իրականացվում է Kazakhtelecom-ի և AzerTelecom International-ի կողմից։
Նոր գիծը կկապի Ակտաուն և Սումգայիթը՝ ստեղծելով Ասիայի և Եվրոպայի միջև ուղիղ բարձր արագությամբ տվյալների փոխանցման ալիք։ Ակնկալվում է, որ այս երթուղին կամրապնդի երկու երկրների տարանցիկ ներուժը և կբարելավի միջազգային հաղորդակցությունների հուսալիությունը։
Ղազախստանի արհեստական բանականության և թվային զարգացման նախարար Ժասլան Մադիևը, «Kazakhtelecom» ընկերության վարչության նախագահ Բաղդատ Մուսինը և «AzerTelecom International» ընկերության գործադիր տնօրեն Անա Նակաշիձեն մալուխատար նավից հետևել են ծովային մալուխի տեղադրման ավարտին։
Ադրբեջանը և Ղազախստանը հուլիսի 31-ին սկսել էին Կասպից ծովի հատակի երկայնքով օպտիկամանրաթելային մալուխի տեղադրումը։
Թարգմանությունը՝ Էմմա Չոբանյանի
