27.09.2026 | 18:41
ՏԻՄ ընտրությունների մասնակցության արդյունքները ըստ համայնքների՝ 17։00-ի դրությամբ
«Ես մանկապարտեզ չունեմ, այ ցավդ տանեմ․ աչքիս՝ ես ու դու մենակ չունենք»․ ԱԺ-ում կատակում են. ՏԵՍԱՆՅՈՒԹ
Քաղաքականություն
05.08.2026 | 13:45
Ազգային ժողովի նիստի ժամանակ «Հայաստան» խմբակցության պատգամավոր Մամիկոն Ասլանյանն իր առաջին ելույթն է ունեցել խորհրդարանում և անդրադարձել է խորհրդարանական մթնոլորտին, քաղաքական բռնաճնշումներին և երկրի առջև ծառացած արտաքին մարտահրավերներին:
Պատգամավորը կասկածի տակ է դրել խորհրդարանում հնչող բարեվարքության և հանդուրժողականության կոչերը՝ հիշեցնելով նախընտրական շրջանի հռետորաբանությունը. «Երկու ամիս առաջ այս նույն քաղաքական ուժը… ինչ ատելության, ինչ դոզավորված քարոզարշավ էր [իրականացնում]՝ լուտանքների, ասֆալտներին փռելու, խլելու և այլն»:
Նա նաև նշել է, որ երկրում առկա են քաղաքական բռնաճնշումներ՝ հիշատակելով Արթուր Սարգսյանի և Սամվել Կարապետյանի անունները:
Ասլանյանի ելույթի ընթացքում նա և Վահագն Ալեքսանյանը կարճ դիալոգ են ունեցել, որի ընթացքում Ասլանյանը նշել է․ «Ես մանկապարտեզ չունեմ, այ ցավդ տանեմ, աչքիս՝ ես ու դու մենակ չունենք»:
Պատգամավորը շեշտել է, որ Ազգային ժողովի ղեկավարությունը չի անդրադառնում տարածաշրջանային լարվածությանը և տնտեսական խնդիրներին. «Փոխանակ… մենք այս չծախվող ծաղիկները բուկետով վերցնենք, ռուսների մոտ գնանք, իրանցիների, չգիտեմ ինչ կոնյակ տանենք, համոզենք մեր բերքը ընդունեն, մենք այստեղ իրար նկատմամբ հարցեր ենք տալիս»։
Մանրամասները՝ տեսանյութում։
Եվգենյա Համբարձումյան
