06.08.2026 | 15:35
Սալահը դարձել է Թուրքիայի ամենաբարձր վարձատրվող ֆուտբոլիստը. ավելի շատ աշխատավարձ, քան «Լիվերպուլում»
Թրամփը հայտարարել է, որ Հորմուզի նեղուցը «շուտով» կվերաբացվի, հակառակ դեպքում՝ ԱՄՆ-ն «ուժեղ հարված կհասցնի»
Քաղաքականություն
05.08.2026 | 11:02
ԱՄՆ նախագահ Դոնալդ Թրամփը հայտարարել է, որ Հորմուզի նեղուցը «շուտով» կվերաբացվի, հակառակ դեպքում Վաշինգտոնը նոր՝ կոշտ հարված կհասցնի Իրանին, գրում է CNN-ը։
Fox News-ին տված հարցազրույցում Թրամփն ասել է, որ Թեհրանի հետ «շատ լավ բանակցություններ» են ընթանում, սակայն զգուշացրել է, որ եթե Իրանը հրաժարվի իր ստանձնած պարտավորություններից, ապա կրկին կվերադառնան հարվածներին։
«Նեղուցը շատ շուտով կբացվի, կամ նրանք շատ ուժեղ հարված կստանան։ Եթե նրանք կրկին նահանջեն, շատ ուժեղ հարված կստանան։ Նրանք դա գիտեն։ Ես ընտրություն չունեմ»,- հայտարարել է նա։
Թրամփն ասել է, որ իր առաջին ընտրությունը հարձակումների վերսկսումը չէ, այլ դիվանագիտական համաձայնագրի հետապնդումը․ «Մենք նրանց շատ, շատ ուժեղ հարված ենք հասցրել։ Բայց ծանր հարվածը դեռ առջևում է, և հուսով եմ՝ մենք ստիպված չենք լինի այն օգտագործել»։
Իրանը հերքել է, որ ուղիղ բանակցություններ է վարում Միացյալ Նահանգների հետ։ Փոխարենը Թեհրանը հայտարարել է, որ աշխատում է Օմանի հետ նեղուցի վերաբացման պայմանավորվածության շուրջ։
Միջնորդները հույս ունեն, որ նեղուցի վերաբացումից հետո ԱՄՆ-ն և Իրանը կարող են վերսկսել միջուկային բանակցությունները։
Թարգմանությունը՝ Էմմա Չոբանյանի
