27.09.2026 | 22:05
ՏԻՄ ընտրություններում մասնակցության ամենաբարձր ցուցանիշը Թումանյանում է. այստեղ առաջադրված միակ ուժը ՔՊ-ն էր
Զելենսկին հայտարարել է Ադրբեջանի ինքնիշխանությանն աջակցելու, Հայաստանի հետ հարաբերությունները վերականգնելու մասին
Քաղաքականություն
04.08.2026 | 17:41
Որքան ուժեղ և անկախ լինեն նախկին Խորհրդային Միության երկրները, այնքան ավելի դժվար կլինի [ՌԴ նախագահ Վլադիմիր] Պուտինի համար։ Այս մասին հայտարարել է Ուկրաինայի նախագահ Վլադիմիր Զելենսկին ուկրաինական դեսպանների հետ հանդիպմանը։
«Ուկրաինան այս խնդրի բանալին է։ Նա ուզում է մեզ կոտրել։ Եթե նա հաջողության հասներ, ավելի հեշտ կլիներ հետխորհրդային տարածքի մյուս երկրների հետ»,- հավելել է նա։
Ըստ Զելենսկիի՝ բոլորը գիտեն դա և բարձր են գնահատում Ուկրաինայի՝ իրենց կյանքի գնով թանկարժեք ներդրումն այլ պետությունների անկախության գործում։
«Մենք պետք է ամուր հարաբերություններ կառուցենք անկախ Ադրբեջանի հետ։ Մենք աջակցում ենք ինքնիշխանությանը, տարածքային ամբողջականությանը։ Ճիշտ այնպես, ինչպես այս տարի, երկար տարիների դադարից հետո, վերականգնեցինք հարաբերությունները Հայաստանի հետ։ Ուկրաինայի այսօրվա ներկայությունը նախկին խորհրդային երկրների տարածքում այդ երկրների անկախությունն է։ Ես հրավիրված եմ, օրինակ, Մոլդովայի անկախության օրվան։ Մեզ համար շատ կարևոր է պահպանել նման հարաբերությունները, և ես հպարտ եմ, որ մենք դրանք այսպես ենք կառուցում»,- հայտարարել է Ուկրաինայի նախագահը։
Թարգմանությունը՝ Էմմա Չոբանյանի
