23.04.2026 | 21:33
Ծանրամարտի ԵԱ. Աննա Ամրոյանը փոքր ոսկե մեդալ նվաճեց ռեկորդով
Ընտրություններին «Իմ քայլին» արջի ծառայություն մատուցողները վատ կվերջացնեն. Ալեն Սիմոնյան. ՏԵՍԱՆՅՈՒԹ
Քաղաքականություն
04.12.2018 | 11:51
Ընտրություններին «Իմ քայլին» արջի ծառայություն մատուցողները վատ կվերջացնեն։ Դեկտեմբերի 4-ին խորհրդարանում լրագրողների հետ հանդիպմանն այս մասին հայտարարեց ԱԺ «Ելք» խմբակցության պատգամավոր, «Իմ քայլը» դաշինքի պատգամավորության թեկնածու Ալեն Սիմոնյանը՝ անդրադառնալով լուրերին, թե նախկին ՀՀԿ-ի համար ձայն հավաքողները հիմա էլ դա անում են «Իմ քայլը» դաշինքի համար։
Կարծիքներին, թե Արամ Հարությունյանին մեղադրանք առաջադրելն ու պատգամավորական անձեռնմխելիությունից զրկելը, Ռոբերտ Քոչարյանին կալանավորելու հարցով դատական նիստը բեմականացում է, պատահական չէ, որ այս ամենը տեղի է ունենում քարոզարշավի ընթացքում, Ալեն Սիմոնյանը պատասխանեց․ «Բոլոր այդ իրադարձությունները մեր կողմից կառավարվող իրադարձություններ չէին։ Մեկ էլ ասում են՝ այնուամենայնիվ, «Իմ քայլը» դաշինքն առաջին տեղն է զբաղեցնելու կամ բավական մեծ քանակով ձայներ է հավաքելու։ Ակնհայտ է, որ դա չէ, որ պետք է մեզ օգնի, որ բավական շատ ձայն հավաքենք»։
Հարցին՝ ճիշտ չէ՞ր լինի սպասել այս խորհրդարանի աշխատանքների ավարտին, երբ Արամ Հարությունյանն այլևս պատգամավոր չի լինի և անձեռնմխելիությունից զրկելու խնդիր չէր լինի, Ալեն Սիմոնյանը պատասխանեց․ «Եթե օրենքը պահանջում է, և դատախազը պատրաստ է ներկայացնել, ինչի՞ համար։ Օրենքի բնականոն գործընթաց է, պետք է արվի՝ անկախ նրանից՝ ԱԺ-ի այս նիստը կկայանար, թե՝ ոչ»։
Մանրամասները՝ տեսանյութում:
