27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Հայաստանի Կիոկուշին կարատեի ֆեդերացիայի մարզիկները հավաք են անցկացրել և պատրաստվում են առաջիկա մրցաշարերին
31.07.2026 | 18:29
Հայաստանի Կիոկուշին կարատեի ֆեդերացիայի մարզիկները հավաք են անցկացրել Ծաղկաձորում։ Ֆեդերացիայի նախագահ Անդրանիկ Հակոբյանը խոսել է հավաքի կարևորության մասին:
«Շուրջ 24 տարի մեր ֆեդերացիայի մարզիկներն ամառային ու ձմեռային հավաքներ են անցկացնում Ծաղկաձորում: Ծաղկաձորի աշխարհագրական դիրքը նպաստում է, որ մարզիկներն այնտեղ մարզվելուց հետո ավելի լավ են հանդես գալիս մրցաշարերում: Հավաքին մասնակցել է շուրջ 150 մարզիկ Երևանից ու մարզերից: Հավաքի ընթացքում մեր մարզիչներն իրենց փորձը փոխանցել են մարզիկներին»,- Անդրանիկ Հակոբյանի խոսքը մեջբերում է ֆեդերացիայի մամուլի ծառայությունը:
Հայաստանի Կիոկուշին կարատեի ֆեդերացիայի մարզիկները կմասնակցեն Անապայում սեպտեմբերի 13-17-ին կայանալիք «Համառուսական երիտասարդական մարտարվեստների փառատոնին», որն այս տարի կանցկացվի 18-րդ անգամ: Հայաստանի թիմը երրորդ տարին անընդմեջ հանդես կգա այդ մրցաշարում, որին մասնակցում են նաև Ռուսաստանի տարբեր շրջանների ուժեղագույն մարզիկները:
