31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
31.07.2026 | 00:19
Երևանի «Ալաշկերտն» ավարտեց ելույթները Կոնֆերենցիաների լիգայում, որի որակավորման երկրորդ փուլի պատասխան խաղում հյուրընկալվելիս 0:3 հաշվով պարտվեց ռումինական «Կլուժին»: Առաջին հանդիպումն ավարտվել էր 1:1 հաշվով:
Ռումինիայում կայացած հանդիպման սկզբնամասն անհաջող ստացվեց Վահե Գևորգյանի գլխավորած թիմի համար: Երրորդ րոպեին «Կլուժը» բացեց խաղի հաշիվը, իսկ 12-րդ րոպեին հյուրերը մնացին 10 խաղացողով: Կարմիր քարտ ստացավ «Ալաշկերտի» բրազիլացի պաշտպան Սեզարը:
Առաջին խաղակեսի վերջնամասում «Կլուժը» նաև կրկնապատկեց առավելությունը, իսկ ընդմիջումից հետո խփեց երրորդ գոլն ու տարավ վստահ հաղթանակ:
Ռումինական ակումբի հաջորդ մրցակիցը կլինի Եվրոպա լիգայից դուրս մնացած նորվեգական «Թրոմսյոն»:
Հիշեցնենք, որ Կոնֆերենցիաների լիգայի որակավորման առաջին փուլում «Ալաշկերտը» հետխաղային 11-մետրանոցներով հաղթել էր ղազախական «Ելիմային»:
Ավելի վաղ Կոնֆերենցիաների լիգայից դուրս էր մնացել նաև «Փյունիկը», իսկ «Նոան» դուրս է եկել որակավորման երրորդ փուլ:
Կոնֆերենցիաների լիգա, որակավորման երկրորդ փուլ, պատասխան հանդիպում
«Կլուժ» (Ռումինիա) – «Ալաշկերտ» (Հայաստան)՝ 3:0 (առաջին հանդիպում՝ 1:1)
Կառլո Մուխար, 3, Մերիտոն Կորենիցա, 45, Ալին Ֆիկա, 77
Հեռացում՝ Սեզար, 12 («Ալաշկերտ»)
