27.09.2026 | 22:05
ՏԻՄ ընտրություններում մասնակցության ամենաբարձր ցուցանիշը Թումանյանում է. այստեղ առաջադրված միակ ուժը ՔՊ-ն էր
Ալիևը պետական այցով Ղրղզստանում է
Քաղաքականություն
30.07.2026 | 20:41
Ադրբեջանի նախագահ Իլհամ Ալիևը պետական այցով ժամանել է Ղրղզստան: Ադրբեջանական լրատվամիջոցների հաղորդմամբ՝ Ալիևին ու նրա կնոջը՝ Մեհրիբան Ալիևային, դիմավորել են Ղրղզստանի նախագահ Սադիր Ժապարովը և առաջին տիկին Այգուլ Ժապարովան:
Հուլիսի 30-ից օգոստոսի 1-ը Չոլպոն-Աթայում անցկացվում է Կենտրոնական Ասիայի երկրների և Ադրբեջանի ղեկավարների ոչ պաշտոնական խորհրդատվական հանդիպումը: Ղրղզստանի և Ադրբեջանի ղեկավարներից բացի՝ միջոցառմանը կմասնակցեն Ղազախստանի նախագահ Կասիմ-Ժոմարտ Տոկաևը, Տաջիկստանի նախագահ Էմոմալի Ռահմոնը, ինչպես նաև Թուրքմենստանի և Ուզբեկստանի ղեկավարներ Սերդար Բերդիմուհամեդովն ու Շավքաթ Միրզիյոևը։
Ղրղզստանի նախագահի մամուլի ծառայության հաղորդմամբ՝ հանդիպման ընթացքում պետությունների ղեկավարները նախատեսում են քննարկել առևտրի, էներգետիկայի և զբոսաշրջության ոլորտներում համագործակցության ամրապնդումը, տրանսպորտային միջանցքների ընդլայնումը, ինչպես նաև տարածաշրջանում մշակութային և հումանիտար կապերի զարգացումը։
Առաջնորդները մտքեր կփոխանակեն նաև տարածաշրջանային անվտանգության և միջազգային կազմակերպությունների շրջանակներում համագործակցության արդիական հարցերի շուրջ։
Թարգմանությունը՝ Էմմա Չոբանյանի
