27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Wildberries-ը սկսել է պահեստային տարածքներ փնտրել Ղազախստանում՝ ուկրաինական ԱԹՍ-ների հարվածների ֆոնին
Քաղաքականություն
29.07.2026 | 13:50
«Կոմերսանտ»-ի աղբյուրները հայտնել են, որ Wildberries-ի RWB մայր ընկերությունը սկսել է Ղազախստանում վարձակալության համար պահեստային տարածքներ փնտրել, գրում է BBC-ի ռուսական ծառայությունը։
Մի աղբյուրի համաձայն՝ ընկերությունը փնտրում է 100,000 քառակուսի մետր տարածք, մեկ այլ աղբյուրի համաձայն էլ՝ հաշվի առնելով սահմանափակ առաջարկը, ընկերությունը պատրաստ է վարձակալել Ղազախստանում հասանելի բոլոր պահեստները։ Աղբյուրները բացատրում են, որ մարկետփլեյսը ցանկանում է պաշտպանել իր որոշ օբյեկտներ անօդաչու թռչող սարքերի հարվածներից։
RWB-ն հայտնել է, որ ընկերությունն արդեն երկու խոշոր կենտրոն է կառուցում Ղազախստանում։
Wildberries-ի լոգիստիկ կենտրոնների և պահեստների վրա ուկրաինական հարձակումների շարքը սկսվել է հուլիսի 18-ին: Այդ ժամանակից ի վեր հարվածները թիրախավորել են Ռուսաստանի տարբեր շրջաններում գտնվող տասը օբյեկտներ, այդ թվում՝ Սանկտ Պետերբուրգում, Մոսկվայի մարզում, Տամբովի և Վորոնեժի մարզերում, ինչպես նաև Ստավրոպոլի և Կրասնոդարի երկրամասերում: «Կոմերսանտ»-ի գնահատականներով՝ հարվածների հետևանքով վնասվել է մարկետփլեյսի պահեստային տարածքի շուրջ 8%-ը։
Ուկրաինայի նախագահ Վլադիմիր Զելենսկին հարվածներն անվանել է ուկրաինական զինված ուժերի օրինական թիրախ, քանի որ այդտեղ, նրա պնդմամբ, ռազմական օգտագործման համար նախատեսված ապրանքներ են պահվում։
Ռուսաստանը, իր հերթին, պարբերաբար հարձակվում է Ուկրաինայի «Նովա Պոշտա»-ի լոգիստիկ կենտրոնների վրա։
Թարգմանությունը՝ Էմմա Չոբանյանի
