09.08.2026 | 11:47
Վթարային ջրանջատում Երևանում
Ֆրանսիայում «դեղին բաճկոնները» կառավարության հրաժարականն են պահանջել
Քաղաքականություն
03.12.2018 | 18:26
Ֆրանսիայում «դեղին բաճկոնները» կառավարության հրաժարականն են պահանջում: Mk.ru-ի փոխանցմամբ՝ շարժման ներկայացուցիչ Քրիստոֆ Շալենսոնը հայտարարել է, որ ակտիվիստները պահանջում են վարչապետի պաշտոնում նշանակել Ֆրանսիայի ԶՈՒ գլխավոր շտաբի նախկին ղեկավար Պիեռ դե Վիլյեին:
Շալենսոնը նշել է, որ Վիլյեն բավականաչափ հեղինակություն ունի՝ այդ պաշտոնը զբաղեցնելու համար: Ֆրանսիական զինուժի ԳՇ նախկին պետը պաշտոնից հեռացել է նախագահ Էմանուել Մակրոնի հետ տարաձայնությունների պատճառով, որը հանդես էր գալիս ռազմական բյուջեն կրճատելու օգտին:
Մինչ այդ, ակտիվիստներն արգելափակել են Total նավթագազային կոնցեռնի 11 պահուստարան: Ընկերության ներկայացուցիչը Reuters-ին տեղեկացրել է, որ ավելի քան երկու հազար լցակայաններից 75-ում վառելիք չկա:
Իսկ Փարիզի քաղաքապետարանն արդեն դեկտեմբերի 1-ի անկարգությունների վնասներն է հաշվարկում: ՏԱՍՍ-ի փոխանցմամբ, նախնական գնահատականներով, վնասը 3-4 մլն եվրո է կազմում:
Երկրի էկոնոմիկայի նախարար Բրունո լը Մերի խոսքով՝ ցույցերը լուրջ ազդեցություն են ունեցել Ֆրանսիայի տնտեսության վրա:
