28.07.2026 | 13:40
Մակրոնը հայտարարել է, որ Ֆրանսիայում հրդեհներն ամենաուժեղն են Երկրորդ համաշխարհային պատերազմից ի վեր
Շուրջ 400 ուկրաինական ԱԹՍ-ներ գրոհել են Մոսկվան ու Մոսկվայի մարզը․ Պոդոլսկում պահեստ է հրդեհվել
Քաղաքականություն
28.07.2026 | 11:33
Մոսկվայի մարզի Չեխով քաղաքում ուկրաինական անօդաչու թռչող սարքը հարվածել է Զեմսկայա փողոցի բնակելի շենքին, հայտնել է նահանգապետ Անդրեյ Վորոբյովը։ Քաղաքապետ Միխայիլ Սոբակինի տեղեկացմամբ՝ վնասվել է երկու բնակարան, տուժածներ չկան, գրում է Meduza-ն։
Չեխովի վերամշակման գործարանում անվադողեր են այրվել ԱԹՍ-ի անկման հետևանքով։
Դուբրավա այգեգործական համայնքի մաս կազմող Վաուլովո գյուղում մասնավոր տուն է հրդեհվել, Դուբնա գյուղի Ռոմաշկինո համայնքում վնասվել է ամառանոց։ Վիրավորներ չկան։ Մերձմոսկովյան Պոդոլսկի Կոլեդինո գյուղում 3PL լոգիստիկ ընկերությանը պատկանող պահեստ է հրդեհվել, գրում է Astra-ն։
Wildberries պահեստը գտնվում է մոտակայքում և գործում է «նորմալ ռեժիմով», իր հերթին, հայտնել է ընկերությունը։
Հուլիսի 27-ի երեկոյից ի վեր Մոսկվայի և Մոսկվայի մարզի ուղղությամբ թռել է ավելի քան 390 ուկրաինական անօդաչու թռչող սարք, հայտնել է Մոսկվայի քաղաքապետ Սերգեյ Սոբյանինը։ Նա ասել է, որ դրանց մեծ մասը խոցվել է «հեռավոր մատույցներում»։ Մոսկվային մոտենալիս ոչնչացվել է 81 անօդաչու թռչող սարք։
Ընդհանուր առմամբ, հուլիսի լույս 28-ի գիշերը Ռուսաստանի ՀՕՊ-ը երկրի մարզերի, բռնակցված Ղրիմի և Ազովի ծովի վրա խոցել է 356 ուկրաինական անօդաչու թռչող սարք, հյատնել է ՌԴ ՊՆ-ն։
Թարգմանությունը՝ Էմմա Չոբանյանի
